مغربی بنگال میں گزشتہ آٹھ مہینوں سے لوکل ٹرین خدمات معطلی کے خلاف عام لوگوں کا غصہ پھوٹ پڑا ہے۔
عام مسافروں نے ہگلی ضلع کے بیدیا باٹی اسٹیشن پر احتجاج کرتے ہوئے پٹری پر درخت وغیرہ پھینک کر سرکاری ملازمین کے لئے چلائی جانے والی اسپیشل اسٹاف ٹرین کی آمدرفت میں رخہ ڈالی۔
مسافروں کا کہنا ہے کہ ‘سرکاری ملازمین کے لئے اسپیشل اسٹاف ٹرین چلانا ہی عام لوگوں کے ساتھ امتیازی سلوک ہے۔’
انہوں نے کہا کہ ‘ٹرین خدمات بحال کرنی ہے تو سب کے لئے کی جائے مخصوص طبقے کے لئے نہیں یہ نا انصافی ہے۔اس سے لوگوں میں انتشار پھیلنے کا خطرہ ہے۔ سرکاری ملازمین اور عام لوگ دونوں انسان ہوتے ہیں فرق صرف انتا ہے کہ کسی کی آمدنی زیادہ ہے اور کسی کی کم ۔'
ان کا کہنا ہے کہ ‘صبر کا پیمانہ لبریز ہو چکا ہے اب کسی بھی قیمت پر لوکل ٹرین خدمات بحال یونی چاہئے۔’
مسافروں نے ریلوے انتظامیہ کے خلاف جم کر نعرہ بازی کی۔ ویاں موجود ریلوے پولیس خاموش ٥تماشائی بنی رہی۔
واضح رہے کہ کورونا وائرس کے سبب مغربی بنگال میں رواں سال کے 24مارچ لوکل ٹرین خدمات معطل ہے۔
ریلوے انتظامیہ نے ریلوے اور سرکاری ملازمین کے لئے اسپیشل ٹرینیں چلا رہی ہے۔ عام لوگوں کی جانب سے اس کی مخالفت ہوتی جا رہی ہے۔
