کولکاتا سے حج 2022 کے لیے دم دم ایئرپورٹ سے 740 عازمین کے ساتھ پہلا قافلہ روانہ ہوا kolkata Haj Pilgrims۔ پہلے دن حج کے لیے کولکاتا سے دو پروازوں نے اڑان بھری۔ پہلی اڑان میں کئی گھنٹوں کی تاخیر ہوئی، لیکن دوسری اڑان وقت پر مسافروں کو لیکر مدینہ کے لیے روانہ ہوئی۔ پہلی پرواز میں کولکاتا شہر کے عازمین تھے جب کہ دوسری پرواز میں ہوڑہ ضلع اور آسام کے عازمین موجود تھے۔ آئندہ کل تین پروازیں عازمین کو لیکر اڑان بھریں گی Tomorrow Three Flight Departure From Kolkata Airport۔ ریاستی حج کمیٹی کی جانب سے تمام انتظام مدینتہ الحجاج نیوٹاؤن میں کیا گیا تھا۔ عازمین کو نیوٹاؤن سے ہی اہل خانہ نے الوداع کیا اور چیک ان اور بورڈنگ کی کاروائی بھی نیو ٹاؤن سے ہی کی گئی۔
گذشتہ کئی برسوں سے عازمین کو الوداع کہنے والے رشتے داروں اور اہل خانہ کو ائیرپورٹ جانے کا سلسلہ ختم کر دیا گیا ہے۔ نیو ٹاؤن سے ہی گھر والے عازمین کو الوداع کررتے ہیں۔ اس کے علاوہ عازمین کا آر ٹی پی سی آر ٹیسٹ بھی یہیں کیا جا رہا ہے۔ چیک ان اور بورڈنگ کی بھی کارروائی نیو ٹاؤن مدینتہ الحجاج سے ہی پوری کی جا رہی ہے۔ پرواز سے قبل کی تمام کارروائیاں مدینتہ الحجاج میں ہی مکمل کر لی جا رہی ہیں۔ آج پہلی اڑان طے شدہ وقت کے مطابق صبح 10 بج کر 5 منٹ پر تھی لیکن کچھ مسائل کی وجہ سے کئی گھنٹوں کی تاخیر سے روانہ ہوئی، جبکہ دوسری پرواز 3 بج کر 25 منٹ میں مدینہ کے لیے روانہ ہوئی۔
اس موقع پر عازمین کو الوداع کرنے کے لیے دم دم ائیر پورٹ پر ریاستی وزیر صدیق اللہ چودھری، ریاستی حج کمیٹی کے چئیرمین ندیم الحق اور ریاستی وزیر و کولکاتا کے مئیر فرہاد حکیم بھی موجود تھے ۔آئندہ کل تین پروازیں مدینہ کے لئے روانہ ہوں گی۔کولکاتا سے آخری فلائٹ آئندہ 4 جولائی کو کولکاتا سے روانہ ہوگی۔
مزید پڑھیں:
