ریاست مغربی بنگال کے دارالحکومت کولکاتا میں ریاستی حج کمیٹی نے آئندہ 13 ستمبر کو ہونے والے نِیٹ کے امتحان کے لیے دور دراز سے آنے والے امیدواروں کے لیے عارضی قیام کا انتظام کیا ہے۔ 10 ستمبر سے 13 ستمبر تک نِیٹ کے امتحان میں شرکت کرنے والے امیدواروں کے لیے ریاستی حج کمیٹی کے حج ہاؤس دلکشا اسٹریٹ اور حج ٹاور کوئی کھالی وی آئی پی روڈ میں عارضی قیام کا انتظام کیا گیا ہے۔
آئندہ 13 ستمبر کو نِیٹ کا امتحان ہونے والا ہے۔ کورونا وائرس کی وجہ سے پیدا ہونے والی صورت حال کے مد نظر آمد و رفت کے ذرائع مکمل طور پر بحال نہیں ہوئے ہیں۔
لوکل ٹرین کے علاوہ بس کی تمام روٹ بھی مکمل طور پر بحال نہیں ہوئے ہیں۔ جس کے نتیجے میں دور دراز سے امتحان دینے کے لیے کولکاتا آنے کے لیے امیدواروں کو پریشانی کا سامنا کر پڑ سکتا ہے۔ جسے دیکھتے ہوئے مغربی بنگال ریاستی حج کمیٹی نے دور دراز سے آنے والے امیدواروں کے لیے مفت عارضی قیام کا انتظام کیا ہے۔
جس کے تحت کولکاتا میں نِیٹ کا امتحان دینے کے لیے آنے والے امیدواروں کو ریاستی حج کمیٹی کے دو شاخوں حج ہاؤس دلکشا اسٹریٹ اور حج ٹاور کوئی کھالی وی آئی پی روڈ میں میں عارضی قیام کا انتظام کیا گیا ہے۔
آئندہ 10 ستمبر کی شام سے دونوں جگہوں پر نِیٹ امیدواروں کے قیام کا پورا انتظام کر دیا جائے گا۔ ریاستی حج کمیٹی کی جانب سے اس کی ذمہ داری نیر اقبال کو دی گئی ہے۔
انہوں نے بتایا کہ ریاستی حج کمیٹی کی کولکاتا میں نیو ٹاؤن، دلکشا اسٹریٹ اور کوئی کھالی میں عازمین کے لیے دفاتر اور قیام گاہ ہیں۔ نیو ٹاؤن میں فی الحال کووڈ سیف ہوم بنایا گیا ہے۔ اسی لیے حج ٹاور کو کھالی وی آئی پی روڈ اور پارک سرکس دلکشا اسٹریٹ میں نِیٹ کا امتحان دینے والے امیدواروں کے لیے ریاستی حج کمیٹی نے عارضی قیام کا انتظام کیا گیا ہے۔
کورونا وائرس کی وجہ سے ابھی ٹرانسپورٹ مکمل طور پر بحال نہیں ہوئے ہیں۔ اس کے علاوہ کولکاتا شہر میں ہوٹل اور لاج بھی بہت سارے بند ہیں۔ جس کی وجہ سے جو دور دراز سے امیدوار امتحان میں شرکت کے لیے کولکاتا آئیں گے، ان کو پریشانی ہوسکتی ہے۔ جسے دیکھتے ہوئے ریاستی حج کمیٹی نے ان کی مدد کرنے کا اعلان کیا ہے۔
