مغربی بنگال کے گورنر جگدیپ دھنکر نے آج ہیلی کاپٹر کے معاملے میں بنگال حکومت کو اشارہ کرتے ہوئے کہا ہے کہ وہ موقع پرست نہیں ہیں۔
شانتی نکیتن جانے کےلئے ہیلی کاپٹر کے استعمال پر گورنر نے کہا کہ وہ سڑک کے راستے بھی جاسکتے تھے۔
مگر ریاستی حکومت نے فراہم کردیا ہے۔میں حکومت کی سہولیات کے بیجا استعمال کرنے کے حق میں نہیں ہوں میں یہاں عوام کی فلاح و بہبود کیلئے کام کرناچاہتا ہوں ۔
خیال رہے کہ اس سے قبل گورنر نے مرشدآباد جانے کیلئے حکومت سے ہیلی کاپٹر مانگا تھا مگر اس معاملے میں حکومت نے کوئی جواب نہیں دیا۔
گورنر نے الزام عاید کیا کہ حکومت نے ان کے خط کا کوئی جواب نہیں دیا ہے ۔اس کی وجہ سے گورنر کو سڑک کے راستے مرشدآباد جانا پڑا۔
اس کے بعد گورنے متعدد مرتبہ حکومت کی تنقید کی ۔مگر اس مرتبہ حکومت نے تنازع سے بچنے کیلئے گورنر کو ہیلی کاپٹر فراہم کردیا تھا۔
اس سے قبل گورنر نے شانتی نیکیتن ہیلی کاپٹر سے جا نے کا فیصلہ کیا تھا ۔بولپور جانے کیلئے گورنر درگا پور ایکسپریس وے کا استعمال کرنے والے تھے ۔
مگر علم بازار میںندی میں پل کی تعمیر ہورہی ہے اس کی وجہ سے یہاں سڑک جام ہے ۔اسی وجہ سے راج بھون نے ریاستی حکومت سے ہیلی کاپٹر مانگا اور اس مرتبہ حکومت نے فراہم بھی کردیا
واضح رہے کہ گورنر جگدیپ دھنکر اور وزیراعلیٰ ممتا بنرجی کے درمیان گزشتہ کئی مہینوں سے تنازعہ جاری ہے۔
دونوں اعلیٰ رہنما ایک دوسرے کے کاموں میں مداخلت کرنے کا الزام لگا تے رہے ہیں۔
اس دوران گورنر جگدیپ دھنکر پر ترنمول کانگریس ، کانگریس اور سی پی آئی ایم کے رہنماؤں نے حکومتی کاموں میں مداخلت کرنے کا الزام لگاچکے ہیں۔
