ایک کروڑ سے زائد ووٹرس 45 حلقوں میں 342 امیدوارووں کی قسمت کا فیصلہ کر رہے ہیں۔ پہلے چار مرحلے میں 135سیٹوں پر پولنگ ہو چکی ہے اور آج کے بعد نصف سے زائد سیٹوں پر پولنگ مکمل ہوگئی ہے۔
گذشتہ مرحلے میں کوچ بہار کے سیتل کوچی میں مرکزی فورسز کی فائرنگ میں چار افراد کی موت کے بعد الیکشن کمیشن نے جہاں سکیورٹی کے سخت انتظامات کیے ہیں وہیں، مرکزی فورسز کو بھی ہدایات جاری کی گئی ہیں کہ کن حالات میں اور کس طرح فائرنگ کی جائے گی۔
بنگال میں کورونا وائرس کے کیسز کی تعداد میں اضافے کے پیش نظر الیکشن کمیشن سے ترنمول کانگریس نے مطالبہ کیا تھا کہ بقیہ تین مرحلے کی پولنگ کو ایک ہی مرحلے میں انجام دیا جائے۔
اب تک اگلے تین مرحلے کی پولنگ 22، 26 اور 29 اپریل کو ہوئی ہے۔ تاہم دیگر سیاسی جماعتوں نے اس کی مخالفت کی تھی۔ اب الیکشن کمیشن نے بقیہ مرحلوں کی پولنگ کی مہم کے اوقات میں کمی کرتے ہوئے کہا ہے کہ شیڈول کے مطابق ہی پولنگ ہوگی۔
مزید پڑھیں:
مغربی بنگال اسمبلی انتخابات: پانچویں مرحلے کی مکمل تفصیلات
بی جے پی تمام 45 سیٹوں پر انتخاب لڑ رہی ہے۔ حکمراں ترنمول 42 سیٹوں پر امیدوار کھڑے کئے ہیں جب کہ تین سیٹیں اتحادیوں گورکھا جنم بکتی مورچہ (جی جے ایم) کو دی گئیں۔ کانگریس صرف 11 پر مقابلہ کرے گی، جس میں اتحادی پارٹنر سی پی ایم 25 مقابلہ کررہی ہے اور باقی چھوٹی پارٹیوں کو دیا گیا ہے۔
یو این آئی
