مغربی بنگال میں منعقد ہونے والے اسمبلی انتخابات سے قبل کانگریس اور لیفٹ فرنٹ کے درمیان سیٹوں کی تقسیم پر اتفاق رائے پیدا نہ ہونے کے سبب اتحاد خطرے میں پڑ گیا ہے۔ ایک جانب لیفٹ فرنٹ اور اس کی 16 حلیف جماعتیں اپنے مضبوط گڑھ چھوڑنے کے لیے تیار نہیں ہے تو دوسری جانب کانگریس رہنماؤں نے سیٹوں کی تقسیم پر ناراضگی کا اظہار کیا ہے۔
کانگریس رہنما عبدالمنان کے قریبی ساتھیوں کے مطابق لیفٹ فرنٹ کے ساتھ اتحاد کو لے غیریقینی صورتحال پیدا ہو گئی ہے۔ کانگریس اور لیفٹ فرنٹ کے اتحاد کو لے کر اس وقت واضح طور پر کچھ بھی کہا نہیں جاسکتا۔ کانگریس کے اعلیٰ رہنما ہی اس ضمن میں واضح طور پر کچھ کہہ سکتے ہیں۔
وہیں کانگریس رکن اسمبلی مشتاق عالم کا کہنا ہے کہ سیٹوں کی تقسیم پر سمجھوتہ مشکل ہے۔ انہوں نے کہا کہ مالدہ ضلع کانگریس کا گڑھ ہے اور ہمیں یقین ہے کہ یہاں اسمبلی کی 58 نشستوں میں سے گذشتہ کی طرح 40 سیٹوں پر پارٹی کامیابی حاصل کرسکتی ہے۔ اس کے باوجود اگر یہ سیٹیں نہ ملے تو اتحاد کرنا مشکل ہوگا۔
سی پی آئی ایم کے ریاستی جنرل سیکرٹری سوریہ کانت مشرا نے کہا کہ سیٹوں کی تقسیم کا فیصلہ کانگریس پر چھوڑا گیا ہے۔ انہوں نے کہا کہ ہمیں اس معاملے پر کچھ نہیں کہنا ہے۔ ہم صرف اپنی مضبوط سیٹوں پر مقابلہ کرنے کے خواہاں ہیں۔
