سی پی ایم کے پولٹ بیورو کے رکن محمد سلیم نے کہا کہ آج واضح ہوگیا ہے کہ کون آر ایس ایس کے ساتھ ہے .ممتا بنرجی اپوزیشن اتحاد کو توڑنے کی کوشش کررہی ہیں۔مگر ملک کے عوام بی جے پی کے خلاف متحدہیں۔
محمد سلیم نے کہاکہ ترنمول کانگریس کی سربراہ کیا ثابت کرنے کی کوشش کر رہی ہیں اب تک واضح نہیں ہوسکا ہے۔ جہاں ایک طرف پورے ملک میں بی جے پی مخالف احتجاجی ریلیاں نکالی جارہی ہےدوسری طرف ممتابنرجی بی جے پی اور آرایس ایس کو مضبوط کرنے کی کوشش میں ہیں۔
انہوں نے کہاکہ ملک بھر میں بی جے پی کی پالیسی کے خلاف ہڑتال بلائی گئی لیکن ممتابنرجی نے ہڑتال کی مخالفت کردی ۔ اس کا مطلب یہ ہے کہ وہ بی جے پی اور آر ایس ایس کی مدد کررہی ہیں۔
سی پی آ ئی ایم کے رہنما کاکہنا ہے کہ دوسری ریاستوں کے مقابلے بنگال میں سیاست مختلف ہوتی ہے۔ یہاں کے لوگوں کے موڈ کے بارے میں پتہ لگانا بیرونی لوگوں کے لیے ناممکن ہے۔
