ریاستی مغربی بنگال سیکریٹریٹ میں نامہ نگاروں سے بات کرتے ہوئے وزیر اعلیٰ ممتابنرجی نے کہا کہ ڈاکٹرس، نرس اور طبی عملہ مل جل کر رات دن کام کررہے ہیں۔
وزیراعلیٰ نے کہا کہ صورت حال قابو میں ہے خوف زدہ ہونے کی ضرورت نہیں ہے۔وزیرا علیٰ نے ریاست کے عوام کو یقین دلایا کہ بنگال حکومت کورونا وائرس کے خلاف ہر ممکن کوشش کررہی ہے۔
وزیرا علیٰ ممتابنرجی نے یقین دلایا کہ کچھ سیاسی جماعتیں اور ان کی آئی ٹی سیل کورونا وائرس پر بھی سیاست کررہی ہے۔
وزیرا علیٰ نے سیاسی جماعتوں سے کہا کہ یہ وقت سیاست کا نہیں ہے اور نہ ہی آئی ٹی سیل کے ذریعہ اس پر افواہ بازی کرنے کا ہے اس لئے اس وقت سیاست نہیں کرنا چاہیے۔خیال رہے کہ کچھ سیاسی جماعتوں نے شکایت کی ہے کہ ریاستی حکومت کورونا وائرس سے متعلق پابندی سے بلیٹن جاری نہیں کرتی ہے۔
انہوں نے کہا کہ اتوار کو کوریاستی سیکریٹریٹ بند تھے اس لئے پریس کانفرنس منعقد نہیں ہوا۔تاہم نوبنو بند ہونے کی وجہ سے کام بند نہیں ہوئے۔
ممتابنرجی نے کہا کہ ریاست کے مختلف علاقوں میں کورونا وائرس کا جالزہ لیا گیا۔وزیر اعلیٰ نے کہا کہ دوپہر 12بجے تک ریاست میں کورونا کے مریضوں کی تعداد 61ہوگئی ہے۔جس میں 17غیر ملکی ہیں۔
وزیرا علیٰ نے کہا کہ کالمپونگ میں ایک ہی گھر کے کئی افراد کورونا وائرس کے متاثر پائے گئے ہیں۔وزیر اعلیٰ نے کہا کہ ایسٹرن کمان اسپتال کے ایک ڈاکٹر بھی کورونا وائرس سے متاثر پائے گئے ہیں۔
