مغربی بنگال کی ممتا حکومت کی طرف سے کورونا وائرس کے انفکشن سے اب تک ہوئی اموات کی تعداد68بتائی گئی ہے جبکہ مرکزی وزارت صحت کی جانب سے صبح وشام جاری اعدادوشمار کے مطابق اس کی وجہ سے 133افراد ہلاک ہوئے ہیں۔
ریاست کے چیف سکریٹری راجیو سنہا نے صحافیوں کو بتایا کہ آج مزید سات اموات کے بعد مرنے والوں کی تعداد 68ہوگئی اور اس دوران85نئے معاملے سامنے آنے کے بعد متاثرین کی تعداد بڑھ کر1344ہوگئی۔
انہوں نے کہا کہ اب تک264انفکٹیڈ افراد کو صحت یاب ہونے کے بعد اسپتالوں سے رخصت کردیا گیا ہے جبکہ 940کا علاج کیا جا رہا ہے۔
اس درمیان وزارت صحت کی طرف سے جاری کردہ تازہ ترین اعدادوشمار کے مطابق بنگال میں اب تک 133افراد جاں بحق ہوئے ہیں۔
ریاست میں مہلوکین کی تعداد35تھی۔ریڈزون میں شامل کولکاتامیں کورونا وائرس سے انفکشن کی صورت حال اور وائرس کے پھیلاو کو روکنے کے لئے ہدایات پر عمل پیرا ہونے کے تعلق سے ریسرچ کے لئے دورکنی مرکزی ٹیم آج یہاں پہنچی۔
