مسٹر اٹھاولے نے مرچینٹس چیمبرس آف کامرس کی جانب سے منعقد ایک سیمینار سے خطاب کرتے ہوئے کہاکہ مغربی بنگال کی وزیراعلیٰ ممتا دیدی نے بائیں بازو کی پارٹیوں کا بہادری کے ساتھ سامنا کیا۔
انہوں نے کہاکہ ریاست سے بائیں بازوں کے محاذ کے 34 برس کی حکومت کا خاتمہ کیا لیکن اب بی جے پی انھیں اقتدار سے بے دخل کرنےکے لیے آگئی ہے۔ حال ہی میں ریاست میں بی جے پی نے لوک سبھا کی 18 سیٹیں جیتی ہیں جو اپنے آپ میں کوئی چھوٹی موٹی بات نہیں ہے‘۔
انہوں نے کہاکہ بی جے پی نے حالیہ لوک سبھا الیکشن کے انتخابات میں ترنمول کانگریس سے 18 سیٹیں چھین لی ہیں اور یہ اپنے آپ میں بڑی کامیابی کو ظاہر کرتا ہے کہ ریاست میں بھارتیہ جنتا پارٹی کے حق میں زبردست لہر ہے۔
انہوں نے کہاکہ ممتا دیدی نے ریاست میں دو مرتبہ کی مدت کار پوری کر لی ہے اور اب بی جے پی کی باری ہے کہ وہ دیدی کو اقتدار سے بے دخل کرے گی۔ انھیں اس سلسلے میں غصہ نہیں ہونا چاہیے اگر ریاست کے عوام بی جے پی کی طرف دیکھ رہے ہیں اور انھیں پارٹی سے بہتر گڈ گورننس اور سماجی انصاف کی امید ہے‘۔
