مغربی بنگال کے دارجلنگ میں عظیم مجاہد آزادی اور آزادہند فوج کے بانی نیتاجی سبھاش چند ربوس کے یوم پیدا ئش کے موقع پر جلسے کو خطاب کرتے ہوئے وزیراعلیٰ ممتابنرجی کہاکہ دارجلنگ میں رہنے والے گورکھاؤں نے نیتاجی کے ساتھ مل نملک کی آزادی میں ہم رول ادا کیا تھا ۔
ترنمول کانگریس کی سربراہ کاکہنا ہے کہ دارجلنگ میں نہ تو سی اے اے نافذ ہو گا اور ناہی این آر سی ۔ پہاڑ کے لوگوں کو مرکزی حکومت کی نئی پالیسی سے خوفزدہ ہونے کی ضرورت نہیں ہے۔
انہوں نے کہاکہ وزیرداخلہ نے کہا تھا کہ گورکھا ؤں کو بھی این آ ر سی میں رکھا جائے گا۔لیکن انہیں بھارتی تاریخ کے بارے میں کچھ معلوم ہی نہیں ہے۔
وزیراعلیٰ نے کہاکہ گورکھاؤں نے نیتا جی سبھاش چندر بوس کی آزاد ہند فوج کو کامیابی دلانے میں اہم رول ادا کیا تھا۔ گورکھا ؤں کی خدمات کو کسی بھی قیمت پر نظر انداز نہیں کیا جا سکتا ہے۔
ممتابنرجی نے کہاکہ ہم سب ایک ہیں۔ ہم سب بھارتی ہیں۔ ہم ایک دوسرے کے بغیر نہیں رہ سکتے ہیں۔ہمیں کوئی الگ نہیں کرسکتا ہے۔
انہون نے کہاجکہ مغربی دارجلنگ میں خوشحالی لاناہی اہم مقصد ہے۔ اس کے لیے پہاڑ میں رہنے والے تمام لوگوں کے تعاون کی ضرورت ہے ۔ اس کے بغیر کسی بھی چیلنج کا سامناکرنا مشکل ہوگا۔
انہوں نے کہاکہ بی جے پی آج سی اے اے اور این آر سی کے نام پر لوگوں کو تقسیم کرنے کی سازش میں مصروف ہے۔ مذہب کے نام پر لوگوں کو شہریت دینے کی بات کرتی ہے ۔
مغربی بنگال سمیت ملک کی دیگر ریاستوں میں نیتاجی کے یوم پید ائش کے موقع پر مختلف تقریبات کا اہتمام کیا گیا ہے۔
خیال رہے کہ کل وزیر اعلی ممتا بنرجی نے دارجلنگ میں این آر سی سی اے اور ان پی آر کے خلاف ایک بڑی ریلی کی قیادت کی تھی۔اس ریلی میں بڑی تعداد میں لوگ شامل تھے۔
