مغربی بنگال کے ہگلی ضلع سے بھارتیہ جنتا پارٹی کی رکن پارلیمان لاکٹ چٹرجی نے کہا کہ 'مغربی بنگال میں سیاست کے علاوہ کچھ بھی نہیں ہو رہا ہے۔'
انہوں نے کہاکہ میں ایس ایس کے ایم ہسپتال میں سیاست کرنے نہیں بلکہ سڑک حادثے میں زخمی طلباء کی عادت کے لئے آ ئی تھی لیکن یہاں موجود حکمراں جماعت کے لوگوں نے مجھے ہسپتال میں داخل ہونے نہیں دیا ۔
رکن پارلیمان نے کہاکہ پول کار حادثے میں بچے زخمی ہوئے ہیں۔ انہیں پہلے جنسوڑہ کے مقامی ہسپتال میں داخل کرایا گیا تھا جہاں ان کی حالت بگڑنے پر ایس ایس کے ایم لایا گیا ۔
انہوں نے کہاکہ کہا جاتا ہے کہ ایس ایس کے ایم ہستپال سپر اسپیشلٹی ہسپتال ہے لیکن آنے کے بعد پتہ چلا ہے کہ ریاست میں سپر اسپیشلٹی ہسپتال نام کی کوئی چیز نہیں ہے۔
بی جے پی کی رہنما کہنا ہے کہ پول کار ایک ڈراؤنا خواب بن گیا ہے۔ اس پر جلد قابو نہیں پایاگیا تو مستقبل میں مزید نقصانات ہوسکتے ہیں۔
انہوں نے کہاکہ ریاست کا حال یہ ہے کہ کٹ منی(رشوت )لے کر پول کار والوں کو کاروبار کرنے کی اجازت دی جا تی ہے ۔ پول کار چلانے والوں کو صرف اور صرف پیسے سے مطلب ہے ۔ انہیں کسی کی جان کی فکر نہیں ہےْ
لاکٹ چٹرجی کاکہنا ہے کہ مغربی بنگال میں جب تک کٹ منی کا رواج برقراررہے گا اس وقت ترقیاتی کام نہیں ہو سکتا ہے۔ پول کارچلانےو الوں کے خلاف سخت کارروا ئی کرنی چاہئے لیکن حکمراں جماعت ترنمول کانگریس کے کئی رپنما اس میں ملوث ہیں۔ قصورواروں کے خلاف کارروا ئی کون کرے گا۔
واضح رہے کہ گزشتہ روز ہگلی ضلع کے چنسوڑہ میں پول کار سڑک حادثے میں متعدد طلباء زخمی ہو گئے تھے۔ اس واقعہ کے بعد زخمی بچوں کو ایس ایس کے ایم ہسپتال میں لایاگیا جہاں وہ زیر علاج ہیں۔
