مغربی بنگال کے شمالی 24 پرگنہ ضلع کے شیام نگر میں بی جے پی کے حامی کی پراسرار موت کے بعد اہل خانہ سے ملاقات کرنے کے دوران رکن پارلیمان لاکٹ چٹرجی نے یہ بات کہی.
انہوں نے کہا کہ “بی جے پی کے حامی ملن ہلدار کا قتل کیا گیا. اس قتل معاملے میں ترنمول کانگریس کے حامی ملوث ہیں۔ ”
لاکٹ چٹرجی نے کہا کہ “بی جے پی کے حامی کو پیٹ پیٹ کر مار ڈالا گیا، موت کی وجہ کورونا بتائی گئی تاکہ کوئی متقول کی لاش کو کوئی دیکھ نہ سکے۔”
بی جے پی کی رکن پارلیمان کے مطابق بی جے پی کی جانب سے ملن ہلدار کے قتل کے خلاف تھانے میں شکایت درج کرائی گئی۔
انہوں نے کہا کہ “پولیس والوں نے پہلے کورونا کی وجہ سے موت بتاکر شکایت درج کرنے سے انکار کر دیا تھا، لیکن دباؤ پڑنے کے بعد شکایت درج کی گئی۔”
لاکٹ چٹرجی کے مطابق بی جے پی کے حامیوں کو قتل کیا جا رہا ہے۔اس کے بعد موت کی وجہ کورونا بتائی جا رہی ہے تاکہ معاملے کی تفتیش نہ ہو سکے۔
واضح رہے کہ شیام نگر میں بی جے پی کے حامی کی پراسرار موت ہوگئی۔
بی جے پی کے رہنماوں نے ترنمول کانگریس کے حامیوں پر قتل کا الزام لگایا۔
