مدارس کے اساتذہ کا وزیراعلی ریلیف فنڈ میں 25 لاکھ کا عطیہ

کورونا وائرس کے خلاف لڑائی میں مغربی بنگال کے مدارس کے اساتذہ کی جانب سے وزیراعلی ریلیف فنڈ میں 25 لاکھ کا عطیہ پیش کیا گیا۔

مغربی بنگال مدرسہ اساتذہ کی جانب سے کورونا وائرس کے خلاف لڑائی میں ریاستی حکومت کی مدد کرتے ہوئے آج وزیراعلیٰ ریلیف فنڈ میں 25 لاکھ کا عطیہ دیا گیا۔

مغربی بنگال میں چھ سو سے زائد سرکاری مدارس ہیں۔ مغربی بنگال کے دیہی علاقوں میں زیادہ تر بچے ان ہی مدرسوں میں تعلیم حاصل کرتے ہیں۔

مغربی بنگال مدرسہ اساتذہ کی تنظیم بنگال مدرسہ ایجوکیشن فورم کی جانب سے ریاستی حکومت کی کورونا وائرس کے خلاف لڑائی میں مدد کرنے کا اعلان کیا تھا۔آج اسی سلسلے میں بنگال مدرسہ ایجوکیشن فورم کے وفد نے وزیر تعلیم پارتھو چٹرجی سے وکاس بھون میں ملاقات کی اور وزیر اعلی ریلیف فنڈ کے لئے 25 لاکھ ایک ہزار ایک روپئے کا چیک سپرد کیا۔

مدرسہ اساتذہ کی تنظیم بنگال مدرسہ ایجوکیشن فورم کے صدر اسرار الحق منڈل نے بتایا کہ بنگال مدرسہ ایجوکیشن فورم کی جانب سے ہم نے وزیر تعلیم پارتھو چٹرجی سے کورونا وائرس کے مقابلہ کے لئے وزیر اعلی ریلیف فنڈ میں عطیہ دینے کے سلسلے میں ملاقات کی۔

مدرسہ اساتذہ کا وزیراعلی ریلیف فنڈ میں 25 لاکھ کا عطیہ

بنگال مدرسہ ایجوکیشن فورم کی جانب سے کورونا وائرس کے خلاف لڑائی میں ریاستی حکومت کی مدد کرنے کے لئے ہم نے فنڈ کے لئے ایک کمیٹی کی تشکیل دی تھی ۔

اس کمیٹی کی ماتحت میں ہم نے 25 لاک ایک ہزار ایک روپئے جمع کرنے میں کامیاب رہے۔بنگال کے سرکاری مدراس کے اساتذہ نے اس فنڈ کے لئے عطیہ دیا ہے۔

یہ رقم اساتذہ کی جانب سے وزیر اعلی ریلیف فنڈ میں دیا گیا ۔اس موقع پر مدارس کے اساتذہ کی اس کوشش کی وزیر تعلیم پارتھو چٹرجی نے سراہنا کرتے ہوئے مدرسہ کے تمام اساتذہ کا شکریہ ادا کیا۔