جنوبی 24 پرگنہ کے گارڈن ریچ اور مٹیا برج شہر کو بادشاہ واجد علی شاہ نے بسایا تھا جہاں اسمبلی انتخابات 2021 کے ضمن میں سیاسی سرگرمیاں تیز ہوگئی ہیں۔ مغربی بنگال کے دارالحکومت کولکاتا سے متصل ضلع جنوبی 24 پرگنہ یوں تو جلیج بنگال، سندربن اور رائل بنگال ٹائیگر کی وجہ سے دنیا بھر میں مشہور ہے جبکہ جنوبی 24 پرگنہ کے گارڈن ریچ اور مٹیا برج کو تاریخ حیثیت حاصل ہے۔
مٹیا برج کسی تعارف کا محتاج نہیں ہے۔ بادشاہ واجد علی شاہ نے دارالحکومت کولکاتا سے متصل ضلع جنوبی 24 پرگنہ کے داخلے پر ہگلی ندی کے کنارے اس خوبصورت شہر کو بسایا تھا۔ واجد علی شاہ ایک دوراندیش حکمراں تھے جنہوں نے اس علاقے بسایا تھا۔
گارڈن ریچ اور مٹیا برج میں شیپ یارڈ (گارڈن ریچ شیپ بلڈنگ) ہونے کی وجہ سے یہ علاقہ معاشی طور پر خوشحال اور ترقی یافتہ ہے۔ بادشاہ واجد علی شاہ کی بسائی ہوئی نگری میں تقریباً 25 لاکھ اردو بولنے والے مسلمانوں کی گھنی آبادی ہے۔ یہاں بے شمار مساجد اور انگنت تعلیمی ادارے موجود ہیں۔
ای ٹی وی بھارت کے نمائندے نے گارڈن ریچ اور مٹیا برج کا دورہ کیا اور لوگوں سے بات کرتے ہوئے ان کی رائے جاننے کی کوشش کی۔ مٹیا برج کے لوگوں نے اسمبلی انتخابات پر اپنی رائے ظاہر کرتے ہوئے سیکولر پسند سیاسی جماعت کی حمایت کرنے اور ووٹ دینے کا اشارہ دیا۔ متعدد لوگوں نے ممتا بنرجی کی قیادت والی پارٹی ترنمول کانگریس پر اپنے اعتماد کا اظہار کیا اور ممتا بنرجی کو تیسری مرتبہ وزیراعلیٰ بنانے کی خواہش ظاہر کی۔
لوگوں نے بتایا کہ ممتا حکومت کی جانب سے علاقہ میں کئی ترقیاتی کام انجام دیئے گئے اور مقامی رکن اسمبلی پر بھی لوگوں نے اعتماد کا اظہار کیا۔ عام لوگوں کا ماننا ہے کہ اگر ریاست میں فرقہ پرست پارٹی کامیاب ہوتی ہے تو امن و امان کو خطرہ ہوسکتا ہے اسی لیے سیکولر قوتوں کو مضبوط کرنے کی ضرورت زور دیا جارہے ہے۔
واضح رہے کہ مغربی بنگال میں آٹھ مراحل میں اسمبلی انتخابات 2021 منعقد ہوں گے۔ 27 مارچ کو پہلے مرحلے میں ووٹ ڈالے جائیں گے۔ اسمبلی انتخابات کو لے کر ریاست میں سیاسی سرگرمیاں انتہائی عروج پر پہنچ چکی ہے۔ انتخابی کمیشن نے اسمبلی انتخابات کے لیے ریاست کے تمام اضلاع میں مرکزی فورسز کو تعینات کرنے کا فیصلہ کیا ہے۔ ذرائع کے مطابق ریاست کے مختلف اضلاع میں مرکزی فورسز کی بوٹ مارچنگ کا سلسلہ جاری ہے۔
