مغربی بنگال کے پرولیا ضلع میں شہریت ترمیمی ایکٹ، این آر سی اور این پی آر کے خلاف احتجاجی ریلی کو خطاب کرتے ہوئے وزیراعلیٰ ممتابنرجی نے کہاکہ عام لوگوں کو سب سے پہلے ووٹرلیسٹ میں نام، پتہ، والد ین کے نام، عمروغیر کی غلطی کو دور کریں۔
انہوں نے کہاکہ ووٹرلیسٹ میں خامیاں ہیں۔ ان خمیوں کو دور کرنے کے لیے کام کرنا ہوگا۔لوگوں کو اپنے نام، پتہ، والد ین کے نام، عمروغیر کی غلطی کو درست کرائیں۔
ممتابنرجی نے کہاکہ اگر ووٹر لیسٹ سے نام، پتہ، والد ین کے نام، عمروغیر کی غلطی کو درست کرلی جاتی ہے تو مرکزی حکومت کے ایجنٹوں میں کسی بھی شخص کو ملک بدر کرنے کی اہمت نہیں ہوگی۔
ترنمول کانگریس کی سربراہ کاکہنا ہے کہ الیکشن کمیشن کے اہلکاروں کی غلطیوں کی وجہ سے عام لوگوں کو بھاری خمیازہ بھگتناپڑسکتا ہے۔ اس پریشانی کو دور کرنے کا ایک بہتر طریقہ یہ ہے کہ لوگوں کو اس پر توجہ دینے کی ضرورت ہے۔
پارلیمنٹ کے دونوں ایوانوں میں شہریت ترمیمی ایکٹ کی منظوری کے بعد سے مغربی بنگال کی وزیراعلیٰ ممتابنرجی نے بی جے پی کی قیادت والی مرکزی حکومت کے خلاف بڑےگ پیمانے پر احتجاج کا سلسلہ جاری رکھا ہے۔
ترنمول کانگریس کی سربراہ نے اپنے تمام وزراءایم ایل اے کو ریاست کے تمام 294 اسمبلی حلقوں میں شہریت ترمیمی ایکٹ کے خلاف احتجاج جاری رکھنے کی ہدایت دی ہے۔
ممتابنرجی کی ہدایت کے بعد ریاست کے تمام اضلاع میں شہریت ترمیمی ایکٹ کے خلاف جلسہ، جلوس اور ریلیوں کا سلسلہ جاری ہے۔
