مغربی بنگال کے دارالحکومت کولکاتا میں کولکاتا کارپوریشن اور بنگال کے دیگر کارپوریشن اور میونسپل الیکشن میں بایاں محاذ اور کانگریس کے اتحاد کو لیکر سی پی آئی ایم کے صدر دفتر علیم الدین اسٹریٹ میں اعلی سطحی میٹنگ ہوئی۔
اس میں طے ہوا کہ کولکاتا کارپوریشن الیکشن میں کانگریس 30 سے 35 اور بایا محاذ 70 نشستوں پر مقابلہ کریگی۔لوک سبھا الیکشن سے قبل بھی بایاں محاذ اور کانگریس میں اتحاد پر بات چیت ہوئی تھی ۔
لیکن مرشدآباد اور رائے گنج سیٹ پر معاملہ بگڑ گیا تھا۔کولکاتا کارپوریشن میں کانگریس 45 نشستوں پر مقابلہ کرنا چاہتی ہے لیکن کیا ۔ کولکاتا میں کانگریس کی تنظیمی قوت اس پیمانے پر موجود ہے؟
اس پر سوال اٹھ رہے ہیں۔کانگریس کے رہنماؤں کا دعوی ہے کہ 2011 کے بعد ان کی تنظیمی قوت میں اضافہ ہوا ہے ۔سی پی آئی ایم کولکاتا ضلع کمیٹی نے واضح کر دیا ہے
کانگریس کے لئے 30 سے 35 سے زیادہ نشستوں کی گنجائش نہیں ہے۔ان کا کہنا ہے کہ سابقہ الیکشن میں ملی پوزیشن کے مطابق ہی نشست دی جائے گی جیتی ہوئی نشستوں کو ہم نہیں چھوڑ سکتے ہیں
جبکہ کہ کانگریس 35 نشستوں سے خوش نہیں ہے اور ان کا کہنا ہے جس کی تنظیم جہاں مظبوط ہے وہ نشست اس کو دیا جائے گزشتہ بار کے نتائج پر فیصلہ نہیں کیا جا سکتا ہے۔
