ریاست مغربی بنگال کے وزیر تعلیم پارتھو چٹرجی کے آج میڈیا سے خطاب کرتےہوئے یہ کہا کہ وزیر اعلی ممتا بنرجی کی ہدایت پر اسکول ایجوکیشن ڈپارٹمنٹ بہت جلد پرائمری اساتذہ کو ان کے متعلقہ اضلاع میں تبادلے کے سلسلے میں کام شروع کرنے والی ہے۔
انہوں نے مزید کہا کہ حکومت مغربی بنگال نے اساتذہ کے تبادلے کی درخواست کو قبول کر لیا ہے لیکن فی الحال صرف پرائمری اسکولوں کے اساتذہ کے پر اس کا اس آرڈر کا اطلاق ہوگا اور اس کے بعد سلسلے وار اپر پرائمری، سکنڈری اور ہائر سکنڈری اسکولوں کے اساتذہ کے تبادلے پر بھی عمل در آمد کیا جائے گا۔
واضح رہے کہ رواں سال کے جنوری میں وزیر اعلی ممتا بنرجی نے ٹویٹ کرکے سرسوتی پوجا کے موقع پر اس،کا اعلان کیا تھا تاکہ اساتذہ اپنے اہل خانہ کے ساتھ وقت گزار سکیں اس بات کا خیال رکھتے ہوئے یہ فیصلہ لیا گیا تھا۔
سیاسی ماہرین کے مطابق گزشتہ لوک سبھا،الیکشن میں ممتا بنرجی کی جماعت کو اساتذہ کی ناراضگی کا سامنا کرنا پڑا تھا جس کے نتیجے میں پوسٹل ووٹ میں بی جے پی کو 90 فیصد ووٹ ملے تھے
ممتا بنرجی اسی لئے اساتذہ برادری کی ناراضگی کو مد نظر رکھتے ہوئے یہ فیصلہ لیا ہے۔اساتذہ برادری کی جانب سے برسوں سے تبادلے کے نظام میں تبدیلی کے مطالبے کو نظر انداز کرنا تھا۔اساتذہ کی ناراضگی کی وجہ سے ہی ریاستی حکومت کو ڈی اے کے سلسلے میں بھی فیصلہ لینا پڑا تھا۔
