مغربی بنگال کے دارالحکومت کولکاتامیں کولکاتا کارپوریشن میں مختلف محکموں میں کام کرانے کے لئے ہزاروں کی تعداد میں لوگ پہنچتے ہیں اور الگ محکموں میں جیسے پیدائش اور موت کی سند کے دفتر اور زمین کے معاملات کے دفتر میں کافی تعداد میں لوگ روزانہ کارپوریشن آتے ہیں۔
ان دفاتر کے باہر قطاریں لگی رہتی ہیں۔کورونا وائرس سے بچنے کے لئے بھیڑ سے الگ رہنے کو کہا جارہا ہے ایسے میں کارپوریشن میں کام کے اوقات میں کافی بھیڑ ہوتی ہے۔
کورونا وائرس کی سنگینی دیکھتے ہوئے کارپوریشن کے مختلف محکموں آج دے آن لائین کام کرنے کی ہدایت دی گئی ہے۔اس کے علاوہ کسی طرح کی عرضداشت جمع کرنے کے لئے اب متعلقہ دفترکےباہر قطار نہیں لگانا پڑے گا بلکہ اس کے لئے ڈراپ باکس کا انتظام کیا گیا ہے ۔
عرضداشت کا جواب متعلقہ افراد کو ایس ایم ایس کے ذریعے دیا جائے گا۔کولکاتا کارپوریشن کے مئیر فریاد حکیم نے آج اس،سلسلے میں میڈیا سے بات کرتے ہوئے کہا کہ کارپوریشن میں کئی محکمے ہیں جن می۶کام کرانے کے لئے ہزاروں افراد آتے ہیں خصوصی طور زمین و جائیداد سے جڑے معاملات کے لئے کافی تعداد میں افراد آتے ہیں۔
اسی لئے اب کارپوریشن نے کورونا وائرس کی سنگینی کو دیکھتے ہوئے متعدد دفاتر کے کام آن لائین کرنے کا فیصلہ کیا ہے ۔اس،کے ساتھ عرضداشت کے لئے ہر دفتر کے باہر ڈراپ باکس لگایا جائے گا تاکہ لوگوں کو بھیڑ میں کھڑا نہ رہنا پڑے اس کے ساتھ کارپوریشن کے عملہ کو ضروری طورپر ماسک لگانے کو کہا گیا ہے
