مغربی بنگال میں اسمبلی انتخابات سے قبل سیاسی جماعتوں کے رہنماؤں کے درمیان لفظی جنگ جاری ہے جبکہ حکمراں جماعت ترنمول کانگریس اور بی جے پی کے رہنماؤں کے درمیان الزامات کا سلسلہ بھی جاری ہے۔
مغربی بنگال وشوا ہندو پریشد کے حامیوں نے ترنمول کانگریس کے رکن پارلیمان کلیان بنرجی کے خلاف چانپڑا تھانے میں شکایت درج کرائی۔ وشوا ہندو پریشد نے ایڈوکٹ کلیان بنرجی پر دیوی دیوتاؤں کے خلاف قابل اعتراض بیانات دینے کا الزام عائد کیا اور اس سلسلہ میں پولیس میں شکایت درج کرائی گئی۔
پریشد کے حامیوں نے رکن پارلیمان کے خلاف کاروائی کا مطالبہ کیا اور کاروائی نہ کرنے کی صورت میں پولیس اسٹیشن کے روبرو احتجاج مظاہرہ کرنے کی بھی دھمکی دی۔
واضح رہے کہ ترنمول کانگریس کے رکن پارلیمان ایڈوکٹ کلیان بنرجی کے خلاف مسلسل دوسری مرتبہ ایف آئی آر درج کرائی گئی ہے۔ اس سے پہلے ہوڑہ ضلع کے گولہ باری تھانے میں کلیان بنرجی کے خلاف شکایت درج کرائی گئی تھی۔
