ریاست مغربی بنگال کے دوسرے اضلاع کی طرح شمالی 24 پرگنہ میں بھی اسمبلی انتخابات 2021 کی سیاسی سرگرمیاں تیز ہونے لگی ہے۔
شمالی 24 پرگنہ کے تمام اسمبلی حلقوں میں حکمراں جماعت ترنمول کانگریس سمیت تمام اپوزیشن جماعتوں کی سرگرمیوں میں زبردست اضافہ ہوا ہے۔
اس درمیان سیاسی پارٹیز کے حامیوں کے درمیان جھڑپوں کا سلسلہ بھی جاری ہے اور گزشتہ چوبیس گھنٹوں کے دوران تین مختلف مقامات پر جھڑپیں ہونے کی اطلاع موصول ہوچکی ہے۔
اس درمیان شمالی 24 پرگنہ میں سیاسی پارٹیز کے امیدواروں کی جانب سے پرچہ نامزدگی داخل کرنے کے سلسلے جاری ہیں۔
نوا پاڑہ اسمبلی حلقے سے متحدہ اتحاد کے امیدوار شبھنکر سرکار اپنے حامیوں کے ساتھ پرچہ نامزدگی داخل کرنے کے لیے بیرکپور ضلع انتظامیہ پہنچے۔
اسی درمیان جگتدل اسمبلی حلقے سے متحدہ اتحاد (فارورڈ بلاک) کے رہنما نمائی ساہا بھی اپنے ہزاروں حامیوں کے ساتھ پرچہ نامزدگی داخل کرنے کے لیے ضلع انتظامیہ دفتر پہنچے۔
اس موقع پر متحدہ اتحاد کے ہزاروں حامیوں نے ڈھول تاشہ بجا کر سڑکوں پر جم کر رقص کیا۔
متحدہ اتحاد کے امیدوار اسمبلی انتخابات میں اپنی اپنی جیت کے دعویٰ کرتے ہوئے نظر آئے، ان کے حامیوں میں بھی زبردست جوش و خروش پایا گیا۔
سکیورٹی کے سخت انتظامات کیے گئے تھے اس کے باوجود آمدورفت پوری طرح سے متاثر تھی۔
اسی درمیان نوا پاڑہ اسمبلی حلقے سے بی جے پی کے امیدوار سنیل سنگھ پرچہ نامزدگی داخل کرنے کے لیے بیرکپور ضلع انتظامیہ دفتر پہنچے۔
