لاک ڈاؤن میں بے روزگار ہونے والےنوجوان نے خودکشی کرلی

جنوبی 24 پرگنہ کے سونار پور تھانے علاقے میں لاک ڈاؤن میں ملازمت گنوانے والے ناصر خان نے معاشی حالت خراب ہونے کی وجہ سے خود کشی کرلی۔

جنوبی 24 پرگنہ کے سونار پور تھانے علاقے میں لاک ڈاؤن میں ملازمت گنوانے والے ناصر خان نام کے ایک نوجوان نے کنبہ کی فاقہ کشی سے دلبرداشتہ ہو کر خودکشی کر لی۔
پولیس کے مطابق سونار پور کے آم کے فارم سے ایک نوجوان کی لاش برآمد کی گئی ہے۔ اس کی شناخت ناصر خان کے طور پر ہوئی ہے۔ وہ گزشتہ تین دنوں سے لاپتہ تھا۔
پولیس نے مزید کہا کہ ابتدائی تفتیش کے دوران پتہ چلا کہ لاک ڈاؤن کے دوران اس کی نوکری چلی گئی تھی۔

نوجوان نے گھر چلانے کے لئے کافی قرض لے چکا تھا۔ قرض کی وجہ سے ہی وہ ذہنی طور پر پریشان رہنے لگا تھا۔
گھروالوں کا کہنا ہے کہ نوکری جانے کے سبب وہ ذہنی طور پر پریشان رہنے لگا تھا۔

وہ گھر چلانے کے لئے دوستوں سے قرض لے رکھا تھا۔