مغربی بنگال کے مشرقی بردوان ضلع کے جمال پور تھانہ کے تحت ادی پور علاقے میں سڑک حادثے میں ریاستی خفیہ ایجنسی سی آئی ڈی کے ڈی ایس پی سمیت دو افراد کی موت ہو گئی جبکہ ڈرائیور شدید طور پر زخمی ہوگیا۔
ذرائع کے مطابق بردوان ضلع کے جمال پور سے کولکاتا واپس آنے کے دوران ریاستی خفیہ ایجنسی سی آئی ڈی کے ڈی ایس پی کی گاڑی مخالف سمیت سے آ رہی کنٹینر سے ٹکرا گئی،کنٹینر کی زور دار ٹکر سے ٹاٹا سومو پوری طرح سے برباد ہو گئی، گاڑی پر سوار تین افراد شدید طور پر زخمی ہو گئے، زخمیوں کو ضلع ہسپتال میں داخل کرایا گیا، جہاں ڈاکٹروں نے سی آئی ڈی کے ڈی ایس پی اور سویک والنٹیر کی موت کی تصدیق کی.جبکہ ڈرائیور کی حالت نازک بتائی جاتی ہے۔
مزید پڑھیں:Bomb Blast in Malda: مالدہ میں بم پھٹنے سے دو افراد ہلاک، دیگر دو زخمی
پولیس نے کہا کہ حادثے میں ہلاک ہونے والے لوگوں کی شناخت پرشانت گھوش (ریاستی خفیہ ایجنسی سی آئی ڈی کے ڈی ایس پی) اور سورو سرکار (سویک والنٹیر) کے طور پر ہوئی ہے،پولیس نے مزید کہا کہ پورے معاملے کی تفتیش کی جا رہی ہے، کنٹینر کے ڈرائیور کو گرفتار کر لیا گیا ہے، اس سے پوچھ کچھ کی جا رہی ہے، خلاصی بھی پولیس کی گرفت میں ہے۔
