ترنمول کانگریس سربراہ وزیراعلیٰ ممتا بنرجی نے شاندار جیت پر امیدواروں اور عوام کو مبارکباد دی

ترنمول کانگریس کے سینئیر رہنما اور وزیر پارتھیو چٹرجی نے کہا کہ ضمنی انتخابات کے نتائج سے واضح ہوگیا ہے کہ مغربی بنگال میں ممتابنرجی کو چھوڑ کر دوسری سیاسی جماعتوں کے لئے کوئی جگہ نہیں ہے.

ترنمول کانگریس کی سربراہ اور وزیراعلیٰ ممتا بنرجی نے ضمنی انتخابات میں ملی شاندار جیت کے بعد نومنتخب ارکان اسمبلی کو مبارکباد دیتے ہوئے بنگال کے لوگوں کا شکریہ ادا کیا ہے.

ترنمول کانگریس کی سربراہ اور وزیراعلیٰ ممتا بنرجی نے چاروں سیٹوں پر شاندار جیت ملنے پر کامیاب امیدواروں کو مبارکباد دیتے ہوئے ٹوئٹ کیا.

ترنمول کانگریس سربراہ وزیراعلیٰ ممتا بنرجی نے شاندار جیت پر امیدواروں اور عوام کو مبارکباد دی

وزیراعلیٰ ممتا بنرجی نے اپنے ٹویٹ میں لکھا ہے کہ یہ عام لوگوں کی جیت ہے. اس حمایت سے مستقبل میں اور بہتر کام کرنے کے لئے حوصلہ بلند ہوگا. عوام مخالف سیاسی جماعتوں کو جڑ سے اکھاڑ پھینکنے میں مدد ملے گی. دوسری طرف ترنمول کانگریس کے قومی جنرل سیکرٹری ابھیشک بنرجی نے کہا کہ یہ جیت ہماری ہے اور آپ لوگوں کی ہے. جوش میں حوش گنوانے کی ضرورت نہیں ہے.

ترنمول کانگریس سربراہ وزیراعلیٰ ممتا بنرجی نے شاندار جیت پر امیدواروں اور عوام کو مبارکباد دی

انہوں نے کہا کہ جیت سے بی جے پی کو واضح پیغام مل چکا ہے کہ ناقص پالیسیوں اور عوام کو مہنگائی کا تحفہ دینے والوں کے لئے بنگال میں کوئی جگہ نہیں ہے.ترنمول کانگریس کے سینئیر رہنما اور وزیر پارتھیو چٹرجی نے کہا کہ ضمنی انتخابات کے نتائج سے واضح ہوگیا ہے کہ مغربی بنگال میں ممتابنرجی کو چھوڑ کر دوسری سیاسی جماعتوں کے لئے کوئی جگہ نہیں ہے.انہوں نے کہا کہ بڑی بڑی باتیں کرنے والوں کو ضمنی انتخابات کے نتائج سے اندازہ لگا لینا چاہیے کہ بنگال کی عوام کیا چاہتی ہے اور کیا نہیں.

رکن پارلیمان اور ترجمان ڈریک او برائن نے ٹویٹ کرتے ہوئے لکھا ہے کہ چار میں چار جیت یہ کوئی عام بات نہیں ہے. عوام کا فیصلہ بی جے پی کو آئینہ دکھانے کے لئے کافی ہے۔

انہوں نے کہا کہ ان ہی کامیابیوں سے 2024 میں دہلی جانے کی راہ ہموار ہوگی. بی جے پی ممتا بنرجی اور ان کی پارٹی کو روک نہیں سکتی ہے.

واضح رہے کہ مغربی بنگال کے چاروں اسمبلی حلقوں میں ہوئے ضمنی انتخابات میں ترنمول کانگریس نے شاندار جیت درج کرتے ہوئے بی جے پی کا صفایا کردیا.