مغربی بنگال کے سلی گوڑی کے ماتھا بھانگا تھانہ کے تحت نش گنج علاقے میں سڑک حادثے میں کوچ بہار ضلع ترنمول کانگریس چھاتر پریشد کے صدر کی موت ہو گئی جبکہ دیگر دو افراد زخمی ہو گئے۔
اطلاعات کے مطابق ترنمول کانگریس کی اسٹوڈنٹس ونگ چھاتر پریشد کے ضلع صدر نرین دتہ کی گاڑی سڑک کے کنارے ایک کھمبے کو ٹکر مار دی۔
ٹکر اتنی زوردار تھی کہ ترنمول کانگریس چھاتر پریشد کے رہنما نرین دتہ موقع پر ہی ہلاک ہو گئے۔
ان کی ہی گاڑی کی ٹکر سے موٹرسائیکل پر سوار دو افراد شدید طور پر زخمی ہو گئے۔
جائے وقوع کے قریب پٹرول پمپ کے ملازم کی اطلاع مقامی تھانے کی پولیس جائے وقوع پر پہنچ کر تفتیش شروع کر دی ۔
پولیس کا کہنا ہے کہ ابتدائی تفتیش سے پتہ چلتا ہے کہ گاڑی کی رفتار تیز ہونے کی وجہ سے یہ حادثہ پیش آیا۔
پولیس کے مطابق پورے معاملے کی تفتیش کی جا رہی ہے. زخمیوں کو کوچ بہار ضلع ہسپتال میں داخل کرایا گیا جہاں دونوں کی حالت نازک بتائی گئی ہے۔
ترنمول کانگریس کے مطابق سڑک حادثے میں سپاسی رہنما نرین دتہ کی موت ہوئی ہے۔
وہ ترنمول کانگریس چھاتر پریشد کے ضلعی صدر کے ساتھ ساتھ ترنمول کانگریس کے ترجمان تھے۔
ان کی موت پر افسوس کا اظہار کرتے ہوئے کہا کہ ان کے اہل خانہ سے ہمدردی ہے اور اس دکھ کے وقت ترنمول کانگریس ان کے ساتھ ہے۔
