مغربی بنگال كے بردوان ضلع میں سی بی آئی كی خصوصی عدالت میں ركن اسمبلی انوبرتامنڈل كی پیشی ہوئی۔ عدالت میں سی بی آئی كے وكیل نے ترنمول كانگریس كے رہنما كی سی بی آئی كی حفاظت میں مزید كچھ دنوں تک ركھنے كی اپیل كی۔ سی بی آئی کی خصوصی عدالت نےسی بی آئی كے وكیل كی اپیل كو ترجیح دیتے ہوئے انوبرتا منڈل کی درخواست ضمانت کو مسترد کردی۔
اس معاملے كی اگلی سماعت 7 ستمبر کو ہوگی۔ سی بی آئی كے وكیل نے كہا كہ وہ جب تک جانچ كسی نتیجے پرپہنچ نہیں جاتی ہے اس وقت تک ترنمول كانگریس كے رہنما كی ضمانت كی مخالفت كی جاتی رہے گی۔ انہیں ضمانت میں رہا كرنے كامطلب ثبوت كے ساتھ چھیڑ چھاڑ كیا جاسكتا ہے۔
دوسری طرف ترنمول كانگریس كے ركن اسمبلی انوبرتا منڈل كے وكیل آنند گوہا ٹھاكرتا نے كہاكہ ان كے مؤكل كی صحت خراب ہوتی جارہی ہے۔ ان كی خراب صحت كی بنیادپر ہم نے ضمانت كی عرضی داخل كی تھی لیكن اسے رد كر دیا گیا۔ انہوں نے كہاكہ ضمانت رد كرنے كی كوئی خاص وجہ نہیں ہے۔اس كے باوجود ضمانت كی عرضی رد كردی جارہی ہے۔
ترنمول كانگریس كے ایک اوروكیل سندیپن گنگوپادھیائے نے سوال کیا کہ ان كے مؤكل كوجھوٹے الزام میں پھنسانے كی كوشش كی جارہی ہے۔ ان جانوروں كے اسمگلنگ کے معاملے سے کوئی تعلق نہیں ہے۔ سی بی آئی ابھی تک ایک بھی الزام كو ثابت نہیں كرسكی ہے۔ اس كے باوجود ترنمول كانگریس كے رہنماكی ضمانت كی عرضی مسلسل رد كی جارہی ہے۔
یہ بھی پڑھیں:Threat Letter to Asansol CBI Special Court Judge سی بی آئی كی اسپیشل كورٹ كے جج كو دھمكی
واضح رہے کہ بیربھوم ضلع ترنمول كانگریس كےصدر اور ركن اسمبلی انوبرتامنڈل كومویشی اسمگلنگ كے معاملے كی تحقیقات میں عدم تعاون كرنے كے الزام میں گرفتار كیا گیا ہے۔ اس سے پہلے ان دومرتبہ ان كی ضمانت كی درخواست دی جاچكی ہے لیكن سی بی آئی كی خصوصی عدالت نے درخواست ردیا تھا۔ دوسری طرف سی بی آئی كی خصوصی عدالت میں انوبرتامنڈل كی پیشی كے دوران بردوان ضلع كانگریس كے حامیوں نے احتجاج كیا اور ان (انوبرتامنڈل)كو سیاہ جھنڈے دیكھائے ۔
سنٹرل بیورو آف انویسٹی گیشن کی طرف سے پیش کی گئی کیس ڈائری میں کہا گیا ہے کہ موشی اسمگلنگ کے ذریعہ ہونے والی آمدنی سے ہی انوبرتا منڈل نے جائداد بنائی ہے۔انوبرتا منڈل کے باڈی گارڈ سہگل حسین اس معاملے میں براہ راست ملوث ہیں ۔
