مغربی بنگال کے جنوبی 24 پرگنہ کے جیون تلہ سے ترنمول کانگریس کے رکن اسمبلی شوکت ملا نے یوتھ ترنمول کانگریس کے رہنما محرم شیخ کے قتل (Muharram Sheikh murder case) کے بعد ان کے اہل خانہ سے ملاقات کی.
مقتول کے اہل خانہ سے ملاقات کرنے کے بعد رکن اسمبلی شوکت ملا نے کہا کہ محرم شیخ ضلع کا مقبول ترین رہنما تھے اور اسی وجہ سے انہیں مارا گیا ہے.
انہوں نے کہا کہ ان کے رہتے ہوئے اپوزیشن جماعتوں کو کھل کر سیاست کرنے کا موقع نہیں ملتا تھا. ان کے ایک کہنے پر سینکڑوں لوگ جمع ہو جاتے تھے. یہ سب اپوزیشن جماعتوں کو اچھا نہیں لگتا تھا.
رکن اسمبلی شوکت ملا کے مطابق ان کی موت سے ضلع ترنمول کانگریس کو بہت بڑا جھٹکا لگا ہے. ان کے قاتلوں کی گرفتاری کا مطالبہ کرتے ہیں.
دوسری طرف بی جے پی کے سابق ریاستی صدر اور موجودہ رکن پارلیمان دلیپ گھوش نے کہا کہ کون سی اپوزیشن پارٹی. جنوبی 24 پرگنہ میں ترنمول کانگریس کے علاوہ کوئی نہیں ہے. ترنمول کانگریس میں باندرونی اختلافات عروج پر ہے یہ اسی کا نتیجہ ہے.
یہ بھی پڑھیں:
واضح رہے کہ مغربی بنگال کے جنوبی 24 پرگنہ کے کیننگ تھانہ علاقے میں نامعلوم شرپسندوں نے ترنمول یوتھ کانگریس کے رہنما کو ان کے ہی گھر کے سامنے گولی مار دی. ہسپتال لے جانے کے دوران ان کی موت ہو گئی.
ترنمول کانگریس کے یوتھ رہنما کو شدید زخمی حالت میں پہلے کیننگ محکمہ ہسپتال میں داخل کرایا گیا. تشویشناک حالت میں انہیں کولکاتا کے ایک نجی ہسپتال منتقل کیا گیا ہے جہاں ڈاکٹروں نے ان کی موت کی تصدیق کی.
