مغربی بنگال کے مالدہ ضلع کے چانچل تھانہ کے خیرآباد علاقے میں کرائے دار نے بجلی چوری کی مخالفت کرنے والے مکان مالک پر جان لیوا حملہ کر دیا۔ اس حملے میں مکان مالک ربیل الحق شدید طور پر زخمی ہو گئے ہیں۔ انہیں ضلع صدر ہسپتال میں داخل کرایا گیا، جہاں ان کی حالت مستحکم بتائی جا رہی ہے۔
پولیس نے کہا کہ 'کرائے دار کمال حسین پر مکان مالک ربیل الحق بجلی چوری کا الزام لگاتے رہے ہیں۔ اسی بات کو لے کر دونوں کے درمیان اکثر و بیشتر جھگڑا ہوا کرتا تھا۔'
انہوں نے بتایا کہ 'آج دن میں بھی دونوں کے درمیان بجلی چوری کو لے کر جھگڑا ہوا تھا۔ بات اتنی بڑھ گئی کہ کمال حسین نے ربیل الحق پر تلوار سے حملہ کر دیا۔ اس حملے میں ربیل الحق زخمی ہو گئے۔ انہیں ہسپتال میں داخل کرایا گیا ہے، جہاں وہ زیر علاج ہیں۔'
پولیس نے مزید کہا کہ 'کمال حسین پر جان لیوا حملے کرنے کی شکایت درج کر لی گئی ہے۔ وہ مفرور ہیں اور ان کی تلاش جاری ہے۔'
یہ بھی پڑھیں: کسانوں کی حمایت میں آئی ننھی بچی، وزیراعظم سے قوانین واپس لینے کی اپیل کی
وہیں مکان مالک ربیل الحق کے بھائی معین الحق نے کہا کہ یہ تنازعہ تین برسوں سے چلا آ رہا ہے۔ کرائے دار نے اس سے پہلے بھی ہم پر حملہ کروا چکے ہیں۔
انہوں نے کہا کہ 'ہم مفرور شخص کی گرفتاری چاہتے ہیں۔اس سے زیادہ کچھ بھی نہیں۔'
