یہ معاملہ گنگرام پور علاقے سے تعلق رکھنے والی ایک پرائمری اسکول ٹیچر کے ساتھ پیش آیا۔
ٹیچر کا الزام ہے کہ مغربی بنگال میں سڑک کی تعمیر کے لیے اس کی زمین کو جبری طور پر قبضہ کیا جارہا ہے، جب ٹیچر نے اس ظلم کے خلاف احتجاج کیا تھا تو اس کو رسی سے باندھ کر مبینہ طور پر گھسیٹا گیا ۔
ٹیچر نے الزام لگایا کہ جبری طور پر زمین قبضہ کیے جانے پر اس نے جب احتجاج کیا تو مقامی ٹی ایم سی لیڈر امل سرکار اور لوگوں نے اس کی بری طرح سے پٹائی کی۔
پولیس نے اس معاملے میں تحقیقات شروع کردی ہے ۔وہیں ضلع کے ٹی ایم سی لیڈر کو پارٹی سے معطل کردیا گیا ہے، جس پر الزام ہے کہ اس نے لوگوں کے گروپ کے ساتھ مل کر ٹیچر پر حملہ کیا تھا۔
