سبرت بخشی نے راجیہ سبھا کی رکنیت کا حلف لیا

ترنمول کانگریس کے لیڈر سبرت بخشی نے پیر کے روز راجیہ سبھا کی رکنیت کا حلف لیا۔

آج صبح ایوان کی کارروائی شروع ہونے پر سبرت بخشی نے حلف لیا۔ انہوں نے بنگلہ زبان میں حلف اٹھایا۔

راجیہ سبھا کے چیئرمین ایم وینکیا نائیڈو نے حلف لینے پر انہیں مبارکباد پیش کی اور ایوان میں ان کا خیر مقدم کیا۔

سبرت بخشی مغربی بنگال سے راجیہ سبھا کے رکن منتخب ہوئے ہیں، اس سے قبل وہ لوک سبھا اور مغربی بنگال قانون ساز اسمبلی کے رکن رہ چکے ہیں۔