مغربی بنگال کے دارالحکومت کولکاتا میں واقع بین الاقوامی شہرت یافتہ ایڈن گارڈن میں بھارت اور نیوزی لینڈ (India Vs New Zeland T20)کے درمیان تیسرا اور آخری ٹی - 20 انٹرنیشنل میچ آج کھیلا جائے گا۔
تیسرے اور آخری ٹی - 20 انٹرنیشنل میچ سے قبل بھارتی ٹیم کے سابق کپتان اور موجودہ بی سی سی آئی کے صدر سورو گنگولی نے ایڈن گارڈن کی پچ کا معائنہ کرنے کے بعد بہترین پچ قرار دیا۔
بی سی سی آئی کے صدر سورو گنگولی نے کہا کہ 'ایڈن گارڈن کی پچ ہمیشہ سے ہی کرکٹنگ پچ رہی ہے ٹیموں کے ساتھ ساتھ شائقین کی دلچسپی کو دیکھتے ہوئے تیار کی جاتی ہے۔
انہوں نے کہا کہ 'ایڈن گارڈن (Eden Gardens) میں ایک اچھا اور دلچسپ میچ ہونے والا ہے۔ بھارتی ٹیم نیوزی لینڈ کو کلین سویپ کر سکتی ہے۔
