مغربی بنگال کی وزیراعلیٰ ممتابنرجی نے کہاکہ چند لوگ این آرسی کے نام پر سیاست کررہے ہیں۔وہ لوگوں کو ڈرادھمکاکردبدبہ بنانے کی کوشش کی کررہے ہیں۔ اس سے بھی قابل اعتراض ہے کہ وہ این آرسی کے نام پر پیسہ کمارہے ہیں۔
ایک جلسے سے خطاب کرتے ہوئے وزیراعلیٰ ممتابنرجی نے کہا کہ آپ کی دیدی ہمیشہ آپ کے ساتھ ہے اس لیے خوف زدہ ہونے کی ضرورت نہیں ہے۔
وزیراعلیٰ نے کہاکہ باہری لوگوں کی سننے کی کوئی ضرورت نہیں ہے۔بنگال میں این آرسی کبھی بھی نافذ نہیں ہوگا۔
وزیرا علیٰ نے کہا کہ بنگال میں فرقہ پرستی کو برداشت نہیں کیا جائے گا وزیرا علیٰ نے کہا کہ حیدرآباد سے کچھ لوگ یہاں آکر بنگال کے عوام کو گمراہ کررہے ہیں۔یہ لوگ بی جے پی کے ایجنٹ ہیں۔
ممتابنرجی نے کہاکہ ترنمول کانگریس ہمیشہ آپ کے ساتھ ہے۔بلبل طوفان سے متاثرافرادکی مدد کرنے کے لیے ہماری حکومت پوری طرح سے تیار ہے۔ راحت رسانی کام کوہرممکن کرنے کی کوشش کی جارہی ہے۔
ترنمول کانگریس کی سربراہ کاکہنا ہے کہ بنگال میں مزدوروں کوسکیورٹی فراہم کررہی ہے۔ریاست میں42 فیصدبے روزگاری میں کمی آئی ہے۔
وزیرا علیٰ نے کہاکہ جلد ہی مرشدآباد میں ایک یونیورسٹی قائم کی جائے گی۔وزیرا علیٰ نے کہا کہ مرشدآباد کے عوام کا یہ طویل عرصے سے مطالبہ رہا ہے کہ مرشدآباد میں یونیورسٹی قائم کی جسے ہم پورا کررہے ہیں۔
وزیرا علیٰ نے کہا کہ مرشدآباد میں تعلیمی پسماندگی کے خاتمے کیلئے ہم نے کالجز اور اسکول قائم کیے ہیں۔
