سمریتی ایرانی نے آج کولکاتا میں ایک پریس کانفرنس سے خطاب کرتے ہوئے کہا کہ ممتا بنرجی کی حکومت مغربی بنگال کے عوام کو مرکزی حکومت کی فلاحی اسکیمات سے محروم رکھنا چاہتی اور عوام تک ان سہولیات کو پہنچنے سے روک رہی ہے.
ملک میں دوسری بار اقتدار حاصل ہونے کے 100 دن بعد سارے ملک میں مودی حکومت کی جانب سے کئے گئے کارناموں کو گنانے کے مقصد سے ایک تقریب کولکاتا میں منعقد کی گئی جس میں سمرتی ایرانی نے شرکت کی۔
تقریب سے قبل نامہ نگاروں سے خطاب کرتے ہوئے مرکزی وزیر نے جموں و کشمیر سے دفعہ 370 کو منسوخ کئے جانے پر تبصرہ کرتے ہوئے کہا کہ اس سے ملک کی سالمیت کو قوت ملے گی۔
انہوں نے طلاق ثلاثہ بل کو مودی حکومت کا بڑا کارنامہ قرار دیا۔
ملک کی معیشت پر اپوزیشن کے سوال اٹھائے جانے کے سوال پر سمرتی ایرانی نے کہا کہ حکومت اس بارے میں متعدد اقدامات کر رہی ہے۔
انہوں نے کہاکہ مرکزی حکومت کی جانب سے عوام کی فلاح و بہبود کےلیے کئی اسکیمیں چلائی جارہی ہے جبکہ مغربی بنگال میں اجولا یوجنا اور آیوشمان بھارت جیسی اسکیموں کو ممتا بنرجی روک رہی ہے۔
انہوں نے مزید کہا کہ بہت جلد بنگال میں بھی این آر سی کو نافذ کیا جائے گا۔