مالدہ: اطلاعات کے مطابق مرکزی آڈٹ ٹیم کی تشکیل عمل میں آتے ہی ریاست کے مڈ ڈے میل ایپ سے چھ سال کے دستاویزات (مڈ ڈے میل ڈاٹا) غائب ہیں! اس کو لے کر مرکز بھی تشویش میں مبتلا ہے۔ اساتذہ بھی اس کو لے کر سوال کھڑا کر رہے ہیں۔ تمام اساتذہ کی تنظیمیوں کی جانب سے بھی حال ہی میں ریاست کے مختلف اضلاع سے مڈ ڈے میل سے متعلق کئی شکایات مرکز کو دی گئیں۔ریاستی اپوزیشن لیڈر شھبندو ادھیکاری نے بھی کئی مرتبہ مرکز سے اس کی شکایت کی۔ اس سال کے آغاز میں مرکز حکومت اس سلسلے میں جانچ کے لئے کمیٹی تشکیل دی ۔مرکزی ٹیم بھی کئی بار ریاست میں آئی اور پورے معاملے کی جانچ کی۔
کمیٹی اپنی جانچ مکمل کرنے کے بعد دہلی واپس گئی اور مرکز کو رپورٹ سونپ دی۔ان کی رپورٹ کی بنیاد پر پردھان منتری پوشن یوجنا کے تحت ریاستی اسکولوں میں دوپہر کے کھانے کا آڈٹ کرانے کا فیصلہ کیا گیا۔ صرف اسکول ہی نہیں بلکہ متعلقہ محکمہ کے بلاک اور ضلع دفتر میں آڈٹ کیا جائے گا۔ انڈین آڈٹ اینڈ اکاؤنٹس ڈیپارٹمنٹ کو یہ آڈٹ کرنے کا کام سونپا گیا ہے۔ اریجیت مجمدار کی قیادت میں چھ ارکان کی ایک آڈٹ ٹیم تشکیل دی گئی ہے۔ گزشتہ ہفتہ کو مرکزی دفتر کے ڈپٹی اکاؤنٹنٹ جنرل لنگراج نائک ایس نے اس سلسلے میں رہنما خطوط جاری کئے تھے۔
یہ بھی پڑھیں:DM Visits Super Speciality Hospital ضلع مجسٹریٹ کا سپر اسپیشلٹی ہسپتال کا دورہ کیا
ذرائع کے مطابق پہلے مرحلے میں اس ٹیم کے چھ ارکان ریاست کے پانچ اضلاع میں مڈ ڈے میل کا آڈٹ کریں گے۔ اگلے جمعہ کو شمالی 24 پرگنہ سے آڈٹ کا کام شروع ہوگا۔ لیکن جیسے ہی اس آڈٹ ٹیم کی تشکیل ہوئی، ریاستی حکومت کے مڈ ڈے میل ایپلیکیشن ایپ سے سال 2017 سے 2023 تک کی تمام معلومات مبینہ طور پر غائب ہوگئیں۔
