مغربی بنگال کے مالدہ ضلع میں مسلسل بارش کے سبب سیلاب جیسی صورتحال بن چکی ہے۔ ہریش چندر بلاک اور رتوا بلاک میں ندی کے پانی داخل ہوگیا ہے۔ندی کا پانی گھروں میں بھی داخل ہوگیا ہے۔اس سے عام لوگوں کوبڑی پریشانیوں کا سامناہے۔Several Villages Drowned In Water Of Fulhar River In Maldah
ہریش چندر بلاک اور رتوا بلاک کے بیشتر علاقوں میں ندی کے پانی کے داخل ہونے کے سبب کروڑوں روپے کی فصلوں کے برباد ہونے کی بھی اطلاع ہے۔ضلع انتظامیہ نے سنگین صورتحال کو دیکھتے ہوئے مقامی باشندوں کو محفوظ مقامات پر منتقل ہونے کا مشورہ دیاہے۔
ضلع انتظامیہ نے کہاکہ گزشتہ 48 گھنٹوں کے دوران ہریش چندر بلاک اور رتوا بلاک کے مختلف علاقوں میں صورتحال بگڑی ہے۔نئے علاقوں میں بھی ندی کے پانی کے داخل ہونے کی اطلاع ہے۔لوگوں کو احتیاط برتنے کا مشورہ دیا ہے۔
انہوں نے کہاکہ ضلع انتظامیہ پوری حالت پر نظر رکھی ہوئی ہے۔حالات بگڑنے پر این ڈی آر ایف اور بی ایس ایف کی مدد کی لی جاسکتی ہے۔اس کے ساتھ ساتھ راحت رسائی ٹیموں کوبھی الرٹ پررکھا گیا ہے۔
ان کاکہنا ہے کہ ندی کے کنارے مٹی کی کٹاو کے سبب حالت مزید بگڑی ہے۔ندی کے کنارے مٹی کی کٹاو کو روکاجاتا تو ضلع کے مختلف علاقوں میں سیلاب جیسی صورتحال پیدا نہیں ہوتی ہے۔ندی کے کنارے مٹی کی کٹاو کو روکنے کی کوشش کرنی چاہئے ورنہ حالات اور بگڑ سکتے ہیں۔
یہ بھی پڑھیں:CBI Arrests Middleman in SCC Scam ایس ایس سی تقرری بدعنوانی معاملے میں ایک اور مڈل مین گرفتار
مالدہ شمال کے بی جے پی کے رکن پارلیمان کھوگن مرمو نے کہاکہ حالات کو قابو میں کرنے کی بھر پور کوشش کی جارہی ہے۔اگر ریاستی حکومت حالات پر قابو پانے میں ناکام رہی تو مرکزی حکومت سے مدد کی درخواست کی جائے گی ۔
ترنمول کانگریس کے رکن اسمبلی اور وزیر تجمل حسین نے کہاکہ مغربی بنگال حکومت حالات پرقابو پانے میں کامیاب ہوئی ہے۔آنے والے دنوں میں حالات میں مزید بہتری آسکتی ہے۔ضلع انتظامیہ کواس کے لئے الرٹ رہنے کی ہدایت دی گئی ہے۔
