مغربی بنگال کے ضلع شمالی24 پرگنہ کے باراسات تھانہ کے تحت خالق پور میں 34نمبر قومی شاہراہ پر مسافر بس بے قابو ہو کرسڑک کے کنارے پلٹ گئی۔ بس پر سوار متعدد مسافر زخمی ہوگئے۔
سڑک حادثے میں متعدد مسافر زخمی
مقامی باشندوں کی مدد سے زخمیوں کونزدیکی اسپتال میں داخل کرایا گیا جہاں چند افراد کی حالت نازک بتا ئی گئی ہے۔
پولیس کاکہنا ہے کہ دھرمتلہ سے کریم پور جانے والی پرائیوٹ بس 34 نمبرقومی شاہراہ پر بے قابو ہر پلٹ گئی۔ڈرائیور کے بس پر سے توازن کھونے کے سبب یہ واقعہ پیش آ یا ہے۔
انہوں نے مزیدکہاکہ 15سے زائد افراد زخمی ہو ئے ہیں جن میں خواتین بھی شامل ہیں ۔چند افرادکی حالت نازک بتا ئی گئی ہے۔
پولیس کے مطابق بس کے ڈرائیور کو حراست میں لے لیا گیا ہے ۔اس سے پوچھ گچھ کی جارہی ہے ۔ڈرائیور پر لاپرواہی سے گاڑی چلانے کا الزام ہے۔
