کانگریس کے سینیئر رہنما کی پیرزادہ عباس صدیقی سے ملاقات

کانگریس کے سینیئر رہنما اور رکن پارلیمان ابو حسن خان چودھری نے فرفرہ شریف کے پیرزادہ عباس صدیقی سے ملاقات کی اور ان کی نئی سیاسی جماعت کے مستقبل کو لے تبادلہ خیال کیا۔

مغربی بنگال میں ہونے والے اسمبلی انتخابات سے قبل تمام سیاسی جماعتوں میں زبردست سرگرمیاں دیکھی جارہی ہے۔

آل انڈیا مجلس اتحاد المسلمین اور فرفرہ شریف کے پیرزادہ عباس صدیقی کے درمیان مشترکہ طور پر اسمبلی انتخابات لڑنے کے اعلان کے بعد سیاسی جماعتوں کو اقلیتی ووٹوں کی تقسیم کا خوف ستانے لگا ہے۔

کانگریس کے سنیر رہنما کی فرفرہ شریف کے پیرزادہ عباس صدیقی سے ملاقات

حکمراں جماعت ترنمول کانگریس ،لفٹ فرنٹ اور کانگریس اقلیتی ووٹرز کی توجہ اپنی طرف متوجہ کرانے کے لئے اپنی اپنی کوششیں تیز کر دیں ہیں۔اسی ضمن میں کانگریس کے سنیر رہنما اور رکن پارلیمان ابو حسن خان چودھری نے فرفرہ شریف کے پیرزادہ عباس صدیقی سے ملاقات کی اور ان کی نئی سیاسی جماعت کے مستقبل کو لے تبادلہ خیال کیا۔ملاقات کے بعد ابو حسن خان چودھری نے کہا کہ 'پیرزادہ عباس صدیقی کے ساتھ ملاقات کو لے کر قیاس آرائی کی ضرورت نہیں ہے۔اسمبلی انتخابات کو لے کر ان کے ساتھ بات چیت ہوئی ہے۔ ان کی پارٹی کے مستقبل کو لے کر تبادلہ خیال کیا گیا ہے۔اس کے علاوہ مستقبل میں وہ کس کے ساتھ اتحاد کریں گے اس پر بھی بات چیت ہوئی ہے۔

اس تعلق سے فرفرہ شریف کے پیرزادہ عباس صدیقی نے کہا کہ 'وہ بی جے پی کو چھوڑ کر تمام سیاسی جماعتوں کے اتحاد کے لئے بات چیت کریں گے۔

انہوں نے کہا کہ 'عام لوگوں کے لئے کام کرنا ہے تو ایک مضبوط اتحاد کی ضرورت ہے اس کے لئے تمام سیکولر جماعتوں کو ایک پلیٹ فارم پر لانے کی کوشش کی جا رہی ہے۔

واضح رہے کہ گزشتہ ہفتے آل انڈیا مجلس اتحاد المسلمین کے سربراہ اسدالدین اویسی نے فرفرہ شریف کے پیرزادہ عباس صدیقی کے ساتھ اتحاد کا اعلان کیا۔