وزیر اعظم نریندر مودی صبح 10.30 بجے کولکاتا ایئرپورٹ پہنچیں گے۔ اس کے بعد وہ بنگال کے دورے پر جائیں گے اور صورتحال کا جائزہ لیں گے۔ اس کے بعد مودی اور ممتا بنرجی کولکاتا سمیت شمالی اور جنوبی 24 پرگنہ کے متاثرہ علاقوں کا فضائی سروے کریں گے۔
بتایا جاتا ہے کہ 'مغربی بنگال کی وزیر اعلی ممتا بنرجی نے آج وزیر اعظم مودی سے ریاست کا دورہ کرنے کی اپیل کی تھی۔ اس سے قبل انہوں نے امفان طوفان کو لے کر این ڈی آر ایف کے ساتھ میٹنگ کی۔ ممتا نے کہا کہ 'میں نے پہلے کبھی ایسی تباہی نہیں دیکھی تھی۔'
وزیر اعلی ممتا بنرجی نے بتایا کہ 'ریاست میں طوفان کے نتیجے میں 72 افراد کی موت ہوگئی ہے۔'
وزیراعلیٰ نے طوفان کے نتیجے میں ہلاک ہونے والوں کے لواحقین کو ڈھائی لاکھ معاوضہ دینے کا اعلان کیا۔
