کولکاتا: پیوپلس ریلیف کمیٹی کے 80 سال مکمل ہونے پر بائیں محاذ کے چیئرمین بمان بوس نے کہا کہ یہ یادگار لمحہ ہے کہ ریلیف کمیٹی گزشتہ 80 سالوں سے انسانی بنیادوں پر ریاست بھر میں عام لوگوں کی خدمت کررہی ہے اور ہم نے اس تاریخی موقعے پر اپنی خدمات کو مزید وسیع کرنے کا فیصلے کیا ہے۔
انہوں نے کہا کہ ریلیف کمیٹی کے 80 سال مکمل ہونے پر خون عطیہ کیمپ، مفت آنکھ جانچ، 50روپے میں ہرنیا آپریں، دیہی علاقوں میں طبی کیمپ، صحت اور مختلف معلوماتی موضاعات پر سیمینار اور پروگراموں کا انعقاد کیا جائے گا۔ تھلسیمیا اور ہوموگلوبین پیتھیا جسی بیماریوں سے متعلق بیداری لانے کیلئے مختلف اضلاع میں کیمپ لگائے جائیں گے۔ چائے باغات کے مزدوروں کی صحت کیلئے خصوصی پروگرام شامل ہے۔
یہ بھی پڑھیں: اسلامک ریلیف کمیٹی گجرات کی جانب سے توکتے طوفان کے متاثرین کی امداد
انہوں نے کہا کہ سنہ 1942 میں مغربی بنگال بھیانک سیلاب آنے کے بعد سی پی آئی ایم کے لیڈر مظفر احمد کی قیادت میں ایک ریلیف کمیٹی بنائی گئی تھی۔ بعد میں بنگال اسمبلی کے سابق اسپیکر نوشیر علی کی قیادت میں 1943 میں اس کمیٹی کی توسیع ہوئی اور اس کے تحت طبی خدمات شروع کی گئی۔ 1997 میں دل کشا اسٹریٹ پارک سرس علاقے میں اس کمیٹی کے تحت جن استھیا کیندر کا سابق وزیرا علیٰ جیوتی باسو نے افتتاح کیا۔ اس مرکز میں تمام طبی جانچ کئے جاتے ہیں۔ اس کے علاوہ او پی ڈی بھی چلتے ہیں اور مفت میں دوائی فراہم کی جاتی ہے۔
یواین آئی
