ریاست مغربی بنگال کے شمالی ضلع 24پرگنہ میں ترنمول کانگریس کے صدر جیوتی پریہ ملک نے دعویٰ کیا ہے کہ بنگال کے لوگوں کی گجرات ماڈل میں کوئی دلچسپی نہیں ہے۔
انہوں نے کہا کہ گجرات ماڈل کیا کچھ بھی نہیں، اس سے بنگال کے لوگوں کو کیا فائدہ مل سکتا ہے، اس کے پیچھے بھاگنے کی ضرورت کیا ہے۔
ترنمول کانگریس کے رہنما کا کہنا ہے کہ بابائے قوم مہاتما گاندھی کے گجرات اور آج کے گجرات میں کتنا فرق ہے یہ سب کو معلوم ہے۔
وزیر خوراک نے کہا کہ دراصل بی جے پی کے ریاستی صدر دلیپ گھوش گجرات کا نام لے کر لوگوں میں بھرم پیدا کرنے کی کوشش کررہے ہیں۔
انہوں نے کہا کہ ترقی کے لیے گجرات ماڈل کا نام لیا جا رہا ہے تو ممبئی، پنجاب، کیرالہ، کرناٹک اور تلنگانہ کے نام کیونکہ نہیں لیتے ہیں۔
جیوتی پریہ ملک کے مطابق ترقی کے معاملے میں بنگال کسی سے پیچھے نہیں ہے لیکن سیاسی انتقام کے سبب ریاست کو بدنام کرنے کی کوشش کی جارہی ہے۔
وزیر خوراک کا کہنا ہے کہ ممتابنرجی نے جس طرح سے ترقیاتی منصوبوں کو عوام تک پہنچایا وہ قابل تعریف ہے۔
انہوں نے کہا کہ ریاستی حکومت کے تمام ترقیاتی منصوبے ملک کی دوسری ریاستوں میں چلنے والی سکمز سے بہتر ہیں،
انہوں نے کہا کہ ترنمول کانگریس کی قیادت والی ریاستی حکومت کے دور میں خواتین محفوظ ہیں، کیوں کہ یہاں لا اینڈ آرڈر مضبوط ہیں۔
انہوں نے کہا کہ ریاست کی موجودہ صورتحال پر تشویش کا اظہار کرنے والوں کو دوسری ریاستوں پر نظر ڈالنے کی ضرورت ہے۔
