گزشتہ چند مہینوں سے کولکاتا اور اس کے اطراف میں منشیات فروشی کے دھندے میں تشویشناک طور پر اضا فہ ہو ا ہے ۔
رواں ماہ کے دوران اینٹی نارکوٹیکس سیل نے مرکزی کولکاتا سے منشیات فروشوں کو کثیر تعداد میں منشیات ضبط کیا تھا۔
اینٹی نارکوٹیکس سیل نے خفیہ اطلاع کی بنیادپر پارک اسٹریٹ میں واقع ایک معروف اسکول کے سامنے طلبا کو منشیات فروش کر تے ہوئے رنگے ہاتھوں گرفتار کرلیا۔
اینٹی نارکوٹیکس سیل کے اہلکار کا کہنا ہے کہ ایک نوجوان کی شناخت شیخ رشید اقبال کے طور پر ہو ئی ہے۔
وہ اسکول کے سامنے طلبا کو منشیات فروش کر تے ہوئے رنگے ہاتھوں گرفتار کیا گیا ہے ۔ اس کے پاس سے ایک کیلو پانچ سو گرام گانجہ بر آمد کیا گیا ہے ۔اس سے پوچھ گچھ کی جا رہی ہے۔
انہوں نے مزید کہاکہ پلاسٹک کے پاکٹ میں دس گرام گانجہ تھا ۔ایک پاکٹ کی قیمت ایک سے دو ہزار روپے ہے۔
گرفتار نوجوان پارک اسٹریٹ اور پارک سرکس میں واقع اسکولوں کے سامنےمنشیات فروخت کرنے کا اعتراف کرلیا ہے۔
گزشتہ 18 جولائی کو جادب پور یوینورسٹی کے دو نمبر گیٹ کے سامنے سے دو افراد کی گرفتاری عمل میں آ ئی تھی ان کے پاس سے چار کیلو تین سو گرام گانجہ بر آمد کیا گیا تھا۔
