مغربی بنگال کے شمالی 24 پرگنہ کے ٹیٹاگڑھ میونسپلٹی کے پانچ مسلم سمیت 23 نومنتخب کاؤنسلرز نے حلف برداری کی تقریب میں شرکت کی۔Oath Taking Ceremony
شمالی 24 پرگنہ کے بیرکپور سب ڈویژن کے مزید چھ میونسپلٹی میں بھی حلف برداری کی تقریب کا اہتمام کیا گیا۔
حلف برداری کی تقریب میں بیرکپور سے رکن چکرورتی، جگتدل سے رکن اسمبلی سومناتھ شوم اور بیج پور سے شوبودھ ادھیکاری سمیت کئی معزز شخصیات موجود تھیں۔
کملیش پرساد شاؤ ٹیٹاگڑھ میونسپلٹی کے نئے چیئرمین کے عہدے پر فائز ہوئے ہیں۔ جبکہ محمد جلیل کو نائب چیئرمین مقرر کیا گیا ہے۔
اس موقع پر نومنتخب چئیرمین کملیکش شاؤ اور نائب چیئرمین محمد جلیل نے مشترکہ بیان میں کہا کہ وزیراعلیٰ ممتا بنرجی کے ترقیاتی منصوبوں کو عوام تک پہنچانا ہی اہم مقصد ہے۔
انہوں نے کہا کہ ٹیٹاگڑھ میونسپلٹی کو ماڈل میونسپلٹی بنانے کی ہر ممکن کوشش کریں گے اس کے لیے عوام کا تعاون لازمی ہے۔ایک دوسرے کی مدد کے بغیر کوئی کام آسان نہیں ہے۔
اس کے علاوہ آج ہی پانی ہٹی میونسپلٹی، نارتھ بیرکپور، بیرکپور اور کھردہ میونسپلٹی کے نومنتخب کاونسلرز نے خلف لیا۔
