شاما پرساد مکھرجی کی یوم پیدائش کے موقع پر بی جے پی کے سنیئر رہنما مکل رائے شری رامپور میں جلسے کو خطاب کرتے ہوئے کہاکہ ترنمول کانگریس کی سربراہ ممتابنر جی وزیراعظم بننے کا خواب دکھنے لگی تھیں لیکن بھارت کے عوام نے ان کے خواب کو چکناچور کردیا۔
انہوں نے کہاکہ ممتابنرجی کا خواب اب کبھی بھی پورا نہیں ہو گا۔ اگربنگلہ دیش کو مغر بی بنگال کے ساتھ الحق کردیاجائے تو ممتابنرجی وزیراعظم بن سکتی ہیں۔ مگر ایسا کبھی نہیں ہوسکتاہے۔
بی جے پی کے رہنما نے ترنمول کانگریس کی رکن پارلیمان نصرت جہاں پر حملہ کر تے ہوئے کہاکہ مغر بی بنگال کی وزیر اعلیٰ کیاثابت کرنا چا ہتی ہیں۔ انہوں نے ایشکون کی رتھ یاترا میں نصرت جہاں کوکیوں لے گئیں۔ انہیں پتہ نہیں ہے کہ نصرت جہاں کون ہے۔ میں کسی مذہب کوٹھنس پہنچنا نہیں چاہتا ہوں مگر ریاست کی وزیر اعلیٰ کچھ اور ہی سوچتی ہیں۔
عام بجٹ سے متعلق مکل رائے کاکہنا ہے کہ نریندر مودی کی قیادت میں عوام دوست بجٹ پیش کیا گیا ہے۔وزیراعظم نے غریب عوام کوبجٹ کے نام پر کئی اہم چیزیں تحفہ میں دیا ہے۔
انہوں نے کہاکہ ریاست مغربی بنگال میں انڈسٹری نام کی کوئی چیز نہیں ہے مگر ترنمول کانگریس پٹرول اور ڈیزل کی قیمتوں میں اضا فہ کے خلاف سڑکوں پر آکر لوگوں کو گمراہ کر رہی ہے۔
