مغربی بنگال کے مشرقی بردوان ضلع کے مسلم اکثریتی پارلیمانی حلقہ آسنسول سے ترنمول کانگریس کے رکن پارلیمان شتروگھن سنہا نے پارتھو چٹرجی کی گرفتاری پر مرکزی حکومت کی جم کر تنقید کی۔ رکن پارلیمان شتروگھن سنہا نے کہاکہ پارتھو چٹرجی کو سیاسی انتقام کے لئے ہدف بنایا گیا ہے۔بی جے پی کی قیادت والی مرکزی حکومت سرکاری جانچ اداروں کو اپنے سیاسی مقاصد کے لئے استعمال کر رہی ہے۔انہوں نے کہا کہ ملک بدترین معاشی صورتحال سے دوچار ہے،ملک میں بے روزگاری انتہائی عروج پر ہے،ڈالر کے مقابلے ایک روپیہ 80 تک پہنچ چکا ہے،لیکن مرکزی حکومت کو اس کی کوئی پرواہ نہیں ہے۔ Shatrughan Sinha on Partha Chaterjee
انہوں کا کہنا ہے کہ بی جے پی کی قیادت والی مرکزی حکومت کو ان سب مسائل کے حل کے لئے کام کرنے کے بجائے اپوزیشن جماعتوں کے رہنماؤں کو سیاسی انتقام کے تحت ہدف بنا رہی ہے۔ آسنسول پارلیمانی حلقے میں ایک تقریب کے دوران جلسے کو خطاب کرتے ہوئے کہا کہ ہمیں تمام اختلافات کو ختم کر کے ملک کے بارے میں سوچنا چاہیے۔ملک ترقی کرے گا تو ہم ترقی کریں گے۔
یہ بھی پڑھیں: MD Salim On Partha Chatterjee: کروڑوں روپے کی برآمدگی ہی بدعنوانی کا ثبوت، محمد سلیم
