ریاست مغربی بنگال میں آئندہ برس ہونے والے اسمبلی انتخابات کے لیے تمام سیاسی جماعتوں نے کمر کس لی ہے۔
اسی ضمن میں ضلع ہگلی سے بی جے پی کی رکن پارلیمان لاکٹ چٹرجی نے کہا کہ درگا پوجا کے نام کلبز کو معاوضہ دینا درصل اسمبلی انتخابات کی تیاری ہے۔
انہوں نے کہا کہ وزیراعلیٰ کلبز کو معاوضہ دے کر غنڈہ گردی کو فروغ دے رہی ہیں، تاہم یہ سب اسمبلی انتخابات کے لیے ہو رہا ہے۔
بی جے پی کی رکن پارلیمان نے کہا کہ ریاستی حکومت کی طرف سے جو رقم دی گئی ہے اس کا استعمال بم بنانے اور ہتھیار خریدنے کے لیے کیا جاسکتا ہے۔
مغربی بنگال کے دارالحکومت کولکاتا اور اس کے اطراف کے اضلاع کے کلبز میں دھماکے کی خبریں اکثر و بیشتر سننے کو ملتی ہیں، یہ سب ان ہی پیسوں سے ہو رہا ہے جو وزیراعلیٰ نے دیا ہے، اس کی تازہ مثال بیلیا گھاٹا بم دھماکہ ہے۔
لاکٹ چٹرجی کا کہنا ہے کہ سینٹائزر، ماسک، ہینڈ گلو خریدنے کے لیے جو رقم دی گئی تھی اسے بم بنانے اور ہتھیار خریدنے کے لیے استعمال کیا جا رہا ہے۔
انہوں نے کہا کہ اس سے زیادہ افسوس کی بات اور کیا ہوسکتی ہے کہ کلبز سے پوری رقم واپس لینے کا بھی مطالبہ کیا۔
بی جے پی سمیت تمام اپوزیشن پارٹیز نے ممتا بنرجی کے کلبز کو معاوضہ دینے کے فیصلے کی مخالفت کی تھی۔
خیال رہے کہ کولکاتا ہائی کورٹ نے بھی ریاستی حکومت کے کلبز کو معاوضہ دینے پر سوال اٹھاتے ہوئے وضاحت طلب کیا ہے۔
بنگال کی وزیراعلی ممتا بنرجی نے تین ہزار 946 کلبز کو 50-50 ہزار روپے معاوضہ دیا ہے۔
