مغربی بنگال کے ندیا ضلع کے کلیانی میونسپل اسٹیڈیم میں محمڈن اسپورٹنگ اور بھوانی پور ایف سی کے کلکتہ فٹبال لیگ کا ناک آؤٹ راؤنڈ (کوارٹر فائنل ) میچ کھیلا گیا۔ حسب توقع محمڈن اسپورٹنگ اور بھوانی پور ایف سی کے درمیان دلچسپ اور سنسنی خیز مقابلہ دیکھنے کو ملا۔
کھیل کے دوسرے منٹ پر ہی محمڈن اسپورٹنگ کو پنالٹی ملا، لیکن نائیجریائی فٹبالر مارکوس جوزف نے گول کرنے کا آسان موقع ضائع کرکے اپنی ٹیم کو یقینی برتری سے محروم کردیا۔
بھوانی پور ایف سی کی جانب سے چند شاندار تحریکیں دیکھنے کو ملی۔ مگر حریف ٹیم محمڈن کی دفاعی دیوار میں شگاف ڈالنے میں ناکام رہی۔
کھیل کے 28ویں منٹ پر شیخ فیض نے گول کرکے محمڈن اسپورٹنگ کو ایک- صفر کی سبقت دلانے میں اہم کردار ادا کیا اس کے بعد کھیل کے 42ویں منٹ پر شیخ فیض نے ایک اور گول کرکے محمڈن اسپورٹنگ جو پہلے ہاف کے اختتام سے دو صفر کی سبقت دلائی۔
اس میچ میں شیخ فیض کا یہ دوسرا گول تھا، پہلے ہاف کے انجوری ٹائم 45+1 ویں منٹ پر مارکوس جوزف نے گول کرکے میچ کا اسکور 0-3 کردیا۔
ایک منٹ بعد 47+2 جوزف نے گول کرکے محمڈن کی سبقت کو 0-4 کردیا۔ دوسرے ہاف میں بھی محمڈن اسپورٹنگ اور بھوانی پور ایف سی کے درمیان مقابلہ دلچسپ اور سنسنی خیز مقابلوں کا سلسلہ جاری رہا۔
بھوانی پور ایف سی اسکور برابر کرنے کی بھرپور کوشش کی۔ دوسری طرف محمڈن اسپورٹنگ اسکور میں اضافہ کرنے کی کوشش جاری رکھی۔
دوسرے ہاف کے 47ویں منٹ پر برنڈن بووام نے محمڈن اسپورٹنگ کو پانچ صفر کی سبقت دلانے میں اہم رول ادا کیا۔ سیاہ سفید جرسی والی ٹیم کی شاندار کارکردگی کے سامنے حریف ٹیم ذرا بھی ٹک نہیں سکی۔
کھیل کے 69ویں منٹ پر ایس نیکولا نے گول کرکے محمڈن اسپورٹنگ کی سبقت کو 0-6 گول کردیا۔ نصف درجن گول ہضم کرنے کے بعد حریف ٹیم بھوانی پور ایف سی دوبارہ میچ میں واپس نہیں آسکی۔
یہ بھی پڑھیں: کولکاتا: چار دہائی بعد محمڈن اسپورٹنگ چمپیئن بننے کے نزدیک پہنچا
کھیل کے 90ویں منٹ پر جس کرن نے گول کرکے محمڈن اسپورٹنگ کو 0-7 کی ناقابل شکست سبقت دلائی۔ شیخ فیض اور مارکوس جوزف کے دو دو کے گول کی بدولت محمڈن اسپورٹنگ نے بھوانی پور ایف سی کو 0-7 گول سے شکست دے کر کلکتہ فٹبال لیگ 2021 کے سیمی فائنل میں شاہانہ انداز میں داخلہ لے لیا۔
واضح رہے کہ لیگ مرحلے میں محمڈن اسپورٹنگ کو بھوانی پور ایف سی کے ہاتھوں دو صفر سے شکست کا سامنا کرنا پڑا تھا جس کا سیاہ سفید جرسی والی ٹیم محمڈن اسپورٹنگ نے حسین انتقام لے لیا۔
