مغربی بنگال کے شمالی 24 پرگنہ کے آم ڈانگہ سے ترنمول کانگریس کے رکن اسمبلی رفیق الرحمان نے ای ٹی وی بھارت سے خصوصی گفتگو کرتے ہوئے ریاست کی موجودہ سیاسی صورتحال پر تفصیلی بات چیت کی۔
اس دوران انہوں نے کہا کہ ترنمول کانگریس کی سربراہ اور وزیراعلیٰ ممتا بنرجی ایک عوامی رہنما ہیں، ان کی وجہ سے ریاست میں ترقی اور لا اینڈ آرڈر میں توازن برقرار ہے۔
رکن اسمبلی نے کہا کہ بیرونی ریاستوں سے تعلق رکھنے والے سیاسی رہنماؤں کو بنگال کے کلچر اور ثقافت سے کوئی لینا دینا نہیں ہے۔
ترنمول کانگریس کے سنئیر رہنما کا کہنا ہے کہ بیرونی ریاستوں سے آنے والے لوگ بنگال کی عظیم شخصیات کے بارے میں آدھی ادھوری معلومات رکھتے ہیں، ان سے بنگال کے عوام کو کوئی امید نہیں ہے۔
انہوں نے کہا کہ بنگال کی عوام سمجھ دار ہیں اور انہیں سب کچھ پتہ ہے کہ دہلی میں کیا چل رہا ہے۔
بی جے پی کی قیادت والی مرکزی حکومت نے گزشتہ چند برسوں کے دوران کیا کیا ہے. ترنمول کانگریس کے رہنما کے مطابق وزیراعظم نریندر مودی انتخابات سے عین قبل ترقی پروجیکٹ کا اعلان کرکے بنگال کے عوام کو گمراہ نہیں کر سکتے ہیں۔
رکن اسمبلی رفیق الرحمان نے کہا کہ ممتا بنرجی کی قیادت میں ترنمول کانگریس 2016 سے زیادہ سیٹز حاصل کرکے اس رتبہ حکومت بنائے گی۔
انہوں نے کہا کہ بی جے پی میں شامل ہونے والے شھبندو ادھیکاری سمیت دیگر رہنماؤں کے پاس افسوس کرنے کے علاوہ کوئی دوسرا راستہ نہیں رہ جائے گا۔
رکن اسمبلی نے اسمبلی انتخابات سے قبل ابھیشک بنرجی اور ان کی فیملی کو پریشان کرنے کے لئے بی جے پی پر سی بی آئی کا غلط استعمال کرنے کا الزام عائد کیا۔
انہوں نے کہا کہ اس سے قبل 2016 میں ترنمول کانگریس کے کئی رہنماؤں کے بدعنوانی کے جھوٹے الزام میں گرفتار کیا گیا تھا، لیکن کیا اس کے باوجود ترنمول کانگریس کی حکومت بنی۔
ترنمول کانگریس کے رہنما رفیق الرحمان کا کہنا ہے کہ لفٹ فرنٹ، کانگریس اور انڈین سیکولر فرنٹ کے درمیان اتحاد ایک دھوکہ ہے۔
مزید پڑھیں:
مویشیوں کی اسمگلنگ کا معاملہ: سی بی آئی نے ونے مشرا کے خلاف فرد جرم داخل کیا
انہوں نے کہا کہ لفٹ فرنٹ ختم ہو چکی ہے، کانگریس اپنی شناخت بچانے کی جنگ لڑ رہی ہے اور جہاں تک عباس صدیقی کی پارٹی انڈین سیکولر فرنٹ کا سوال ہے تو اسمبلی انتخابات میں انہیں پتہ چل جائے گا کہ ان کی کتنی اہمیت ہے۔
