'اقلیتی طبقہ ترقی کےلیے تعلیم کو ہتھیار بنائے'

رکن پارلیمان ابو طاہر خان نے کہا کہ مرشدآباد ضلع میں صلاحیت کی کوئی کمی نہیں ہے۔ ضرورت اس بات کی ہے کہ تعلیم کو اہم ہتھیار بنانا ہے۔

مغربی بنگال کے مرشدآباد ضلع میں گزشتہ اسمبلی انتخابات میں کانگریس اور لفٹ فرنٹ کا صفایا کرنے کے بعد حکمراں جماعت ترنمول کانگریس کی سربراہ اور وزیراعلیٰ ممتا بنرجی ضلع کی ترقی کی کوشاں ہیں۔

وزیراعلیٰ ممتا بنرجی نے مرشدآباد ضلع کی ترقی کے لئے درجنوں ترقیاتی منصوبوں کا اعلان کر چکی ہیں۔ جن پر تیزی سے کام چل رہا ہے۔ اسی درمیان مرشدآباد ضلع میں دوارے سرکار منصوبے کے تحت کیمپ کا انعقاد کیا جا رہا ہے جہاں خواتین کی بھیڑ امڈ رہی۔

ترنمول کانگریس کے مشترکہ صدر اور رکن پارلیمان ابو طاہر خان نے کہا کہ اقلیتی طبقے کی ترقی کے لئے تعلیم کو اہم قرار دیا ہے۔

انہوں نے کہا کہ وزیراعلیٰ ممتا بنرجی اقلیتی طبقے کی ترقی کے لئے دل کھول کر کام کر رہی ہیں۔ اقلیتی طبقے کےلیے درجنوں ترقیاتی منصوبوں کا اعلان کر چکی ہیں۔

رکن پارلیمان کا کہنا ہے کہ وزیراعلیٰ ممتا بنرجی اپنی طرف سے اقلیتی طبقے کی ترقی کے لئے بھرپور کوشش کر رہی ہیں۔ ضرورت اس بات کی ہے کہ انہیں (اقلیتی طبقے ) کو بھی بڑھ چڑھ کر حصہ لینے کی ضرورت ہے۔

انہوں نے کہا کہ مرشدآباد ضلع میں صلاحیت کی کوئی کمی نہیں ہے۔ صرف ضرورت اس بات کی ہے کہ تعلیم کو اہم ہتھیار بنانا ہے۔ اس کے ذریعہ ہی عام لوگوں کی ترقی ہو سکتی ہے۔