ریاست مغربی بنگال کے جنوبی کولکاتا کے مسلم اکثریتی تجارتی علاقہ توپسیا میں واقع ملی تنظیم 'ہیلپنگ ہینڈز یونائیٹڈ کمیٹی' کی جانب سے یاس نامی طوفان سے متاثر ضلع جنوبی 24 پرگنہ کے غریب اور ضرورتمندوں کے درمیان راشن کٹس تقسیم کیے گئے۔
ملی تنظیم ہیلپنگ ہینڈز یونائیٹڈ کمیٹی کی جانب سے یاس نامی طوفان سے متاثر سندربن، گوسابہ، بسنتی اور پاتھر پرتیما میں ضرورتمندوں کے درمیان راشن کٹس اور دیگر سامان تقسیم کئے گئے۔
![کولکتہ: ملی تنظیم کی جانب سے راشن کٹس کی تقسیم](https://etvbharatimages.akamaized.net/etvbharat/prod-images/wb-kol-miliorganisationdistributerationkitsinsouth24parganas-wbur10001_21062021091048_2106f_1624246848_602.jpg)
ملی تنظیم ہیلپنگ ہینڈز یونائیٹڈ کمیٹی کے اراکین کا کہنا ہے کہ 'ہم لوگ تقریباً ساڑھے چھ سو لوگوں کے لیے راشن کٹس لے گئے تھے۔ ہم اپنے ساتھ نہ صرف راشن کٹس بلکہ بچوں کے لیے ڈھیر سارے سامان بھی لے گئے تھے۔' تنظیم کے تمام نوجوانوں کے ساتھ ساتھ ادارے سے منسلک خواتین بھی موجود تھیں۔
ہیلپنگ ہینڈز یونائیٹڈ کمیٹی کے عہدیداروں کا کہنا ہے کہ 'نوجوانوں اور خواتین کے جوش و جذبہ کو دیکھ کر اب ایسا لگتا ہے کہ 'ملی تنظیم ہیلپنگ ہینڈز یونائیٹڈ کمیٹی کسی بھی مشکل سے مشکل چیلنج کا بخوبی سامنا کرتے ہوئے عام لوگوں کی مدد کر سکتی ہے۔'