مغربی بنگال میں 21 جولائی کو ہونے حکمراں جماعت ترنمول کانگریس کی جانب سے والے شہید دیوس کی تیاریاں زور شور سے جاری ہے. پارٹی کے تمام اعلیٰ رہنما عظیم الشان جلسے کو کامیاب بنانے کی کوشش میں مصروف ہیں۔ اسی درمیان شمالی 24 پرگنہ کے بشیر ہاٹ سے ترنمول کانگریس کی رکن پارلیمان نصرت جہاں نے اپنے حلقے میں 21 جولائی کو ہونے والے شہید دیوس کو لے کر عوامی جلسے سے خطاب کیا۔ Member of Parliament Nusrat Jahan's Appeal to Make Shaheed Diwas Successful
ممتابنرجی پر عام لوگوں کے حق میں آواز بلند کرنے پر جان لیوا حملہ ہوا تھا. جو رہنما عوام کے لیے اپنی جان کی پرواہ نہیں کرتی ہیں. ان کا کہنا ہے کہ شہید دیوس کے موقع پر عام لوگوں کو بڑی تعداد میں دھرمتلہ پہنچنا چاہیے تاکہ بی جے پی کو پتہ چل سکے کہ بنگال کی شیرنی 2024 میں دہلی پہنچ رہیں ہیں۔
یہ بھی پڑھیں:
واضح رہے کہ ترنمول کانگریس کی جانب سے ہر سال 21 جولائی کے دن کو شہید دیوس کے طور پر منایا جا جاتا ہے. اسی دن 21 جولائی 1993 میں اس وقت کی مغربی یوتھ کانگریس کی صدر ممتابنرجی کی قیادت میں ریلی کا اہتمام کیا گیا تھا اسی دوران پولیس کی مبینہ فائرنگ میں 13 کانگریسی رہنماؤں کی موت ہو گئی تھی۔
ممتا بنرجی ہر سال 21 جولائی کے دن کو شہید دیوس کے طور مناتی ہیں اور فائرنگ میں ہلاک ہونے والے رہنماؤں کو خراج عقیدت پیش کرتی ہیں. اس موقع پر ریاست کے تمام اضلاع سے لوگ کولکاتا کے دل کہے جانے والے دھرمتلہ میں اکٹھا ہوتے ہیں۔
